70 تەن استام ادام جارالانعان. بولجام بويىنشا، ءورت جەرگىلىكتى ۋاقىت بويىنشا تاڭعى ساعات 7:30-دا اۋرۋحانانىڭ جانساقتاۋ بولىمىنەن شىققان. ءورت باستالعان كەزدە اۋرۋحانا مەن وعان جاپسارلاس قارتتار ۇيىندە 200-گە تارتا ادام بولعان. قارتتار ۇيىنەن 94 ادام ەۆاكۋاتسيالانعان.
Yonhap اگەنتتىگىنىڭ ءورت سوندىرۋشىلەرگە سىلتەمە جاساپ حابارلاۋىنشا، قۇرباندار ىس ءتيىپ ولگەن بولۋى مۇمكىن. وڭتۇستىك كورەيادا وسىنشا كوپ ادام قازا تاپقان ءورت ءبىرىنشى رەت بولىپ وتىر. جارالى بىرنەشە ادام اۋىر حالدە جاتىر.
ءورت سوندىرۋشىلەر ءورتتىڭ نەدەن شىققانى ازىرگە بەلگىسىز ەكەنىن ايتادى.