«سىزدەرگە ورتالىق سايلاۋ كوميسسياسىنىڭ قازاقستان رەسپۋبليكاسى پرەزيدەنتىن سايلاۋدا ساعات 12.00 دەگى سايلاۋشىلاردىڭ داۋىس بەرۋگە كەلۋى تۋرالى مالىمەتتى بەرمەكپىز. وبلىستاردىڭ، استانا جانە الماتى قالالارىنىڭ سايلاۋ كوميسسيالارىنىڭ ۇسىنعان مالىمەتتەرىنە سايكەس، 26- ساۋىردەگى ساعات 12.00 دەگى جاعداي بويىنشا تىزىمگە ەنگىزىلگەن سايلاۋشىلاردىڭ 41،69 پايىزى سايلاۋ بيۋللەتەنىن الدى»، - دەدى كوميسسيا مۇشەسى.
ت. وحلوپكوۆانىڭ اتاپ وتۋىنشە، ولاردىڭ ىشىندە، اقمولا وبلىسى بويىنشا - 51،01، اقتوبە وبلىسى بويىنشا - 36،11، الماتى وبلىسى بويىنشا - 60،68، اتىراۋ وبلىسى بويىنشا - 47،54، شىعىس قازاقستان وبلىسى بويىنشا - 48،24، جامبىل وبلىسى بويىنشا - 49،91، باتىس قازاقستان وبلىسى بويىنشا - 40،66، قاراعاندى وبلىسى بويىنشا - 43،35، قىزىلوردا وبلىسى بويىنشا - 45،56، قوستاناي وبلىسى بويىنشا - 56،57، ماڭعىستاۋ وبلىسى بويىنشا - 34،12، پاۆلودار وبلىسى بويىنشا - 42،63، سولتۇستىك قازاقستان وبلىسى بويىنشا - 50،11، وڭتۇستىك قازاقستان وبلىسى بويىنشا - 32،62، استانا قالاسى بويىنشا - 25،46، ال الماتى قالاسى بويىنشا - 17،25 پايىزدى قۇرايدى.
«ەستەرىڭىزگە سالا كەتەيىن، داۋىس بەرۋ 9741 سايلاۋ ۋچاسكەسىندە ءجۇرىپ جاتىر»، - دەدى ول.
اۆتور: مارلان جيەمباي