ساقالدى ادامداردىڭ جاقسى جۇمىس تابۋى قيىن - Daily Mail
«بۇل حيپستەرلەر ءۇشىن جاقسى جاڭالىق بولماۋى مۇمكىن، ءبىراق عالىمدار ساقالى بار ادامدارعا جاقسى جۇمىس تابۋدىڭ قيىن ەكەنىن ايتتى»، دەپ جازادى Daily Mail.
باسىلىمنىڭ حابارلاۋىنشا، عالىمدار سوڭعى زەرتتەۋلەر ناتيجەسىندە جۇمىس بەرۋشىلەر ساقالدى ادامداردى ۇجىممەن تەز ءتىل تابىسا المايدى دەپ قابىلدايتىنىن انىقتاعان.
«فلوريداداعى روللينس كوللەدجىنىڭ پسيحولوگتارى جۇمىس بەرۋشىلەردىڭ نە سەبەپتى ساقالدى ادامداردان قاشقاقتايتىنىن انىقتاي المادى. دەگەنمەن، بۇعان دەيىنگى زەرتتەۋلەردە ساقال ادامدى اشۋلى ەتىپ كورسەتەتىنى ايتىلعان ەدى»، دەپ جازادى باسىلىم.
عالىمدار زەرتتەۋى تۋرالى ماقالا The Journal of Social Psychology جۋرنالىندا جاريالانعان. وندا اۆتورلار بۇل جاڭالىق جۇمىس ىزدەپ جۇرگەن ادامدارعا كومەك بولا الاتىنى ايتىلعان. سونىمەن قاتار بۇل زەرتتەۋدە جۇمىس بەرۋشىلەر كوزىلدىرىك تاققان نەمەسە گالستۋك كيگەن ادامداردى دا جاقسى قابىلدايتىنى انىقتالعان.
39 ادامنىڭ دەنەسى تابىلعان كولىكتىڭ جۇرگىزۋشىسى ادام ءولتىردى دەپ ايىپتالدى - BBC
سولتۇستىك يرلانديانىڭ 25 جاستاعى تۇرعىنى مو روبينسون انگليانىڭ ەسسەكس گرافتىعىندا جۇك كولىگىنەن تابىلعان 39 ادامنىڭ ولىمىنە كىنالى دەپ ايىپتالۋدا، دەپ جازادى BBC.
بۇعان دەيىن پوليتسيا كولىكتەن 31 ەر جانە 8 ايەل ادامنىڭ دەنەسىن تاپقانىن حابارلاعان بولاتىنبىز. وقيعاعا كۇدىكتى رەتىندە بەس ادام قاماۋعا الىنعان ەدى.
پوليتسيانىڭ بولجامى بويىنشا، جۇك كولىگى بولگاريادان كەلىپ، ۋەلس گرافتىعىنىڭ حوليحەد پورتى ارقىلى ەل اۋماعىنا 19- قازاندا كىرگەن. جەرگىلىكتى پوليتسيانىڭ مالىمەتىنشە، قۇقىق قورعاۋ ورگاندارى قىلمىستىق ءىس قوزعاعان. 25 جاستاعى سولتۇستىك يرلانديالىق جۇك كولىگىنىڭ جۇرگىزۋشىسى ادام ءولتىردى دەپ ايىپتالىپ وتىر.
مايىتتەردى سايكەستەندىرۋ پروتسەسى باستالىپ كەتتى. الايدا پوليتسيا بۇل ءىس ۇزاققا سوزىلۋى مۇمكىن ەكەنىن حابارلادى. BBC باسىلىمى قازا تاپقاندار اراسىندا ۆەتنام ازاماتتارى بار ەكەنىن انىقتادى. ۆەتنامدىق بۇقارالىق اقپارات قۇرالدارىنىڭ حابارلاۋىنشا، ەسسەكستە جۇك كولىگى تابىلعاننان كەيىن جيىرما شاقتى جەرگىلىكتى تۇرعىن وزدەرىنىڭ جاقىندارىن تابا الماي وتىرعانىن حابارلاعان. ۆەتنامنىڭ لوندونداعى ەلشىلىگى جاعدايدى باقىلاپ وتىرعانىن جانە بريتانيا بيلىگىمەن بايلانىستا ەكەنىن حابارلادى.
كاليفورنياداعى ورمان ءورتى: ميلليونداعان ادام جارىقسىز قالۋى مۇمكىن - The New York Times
ا قش - تىڭ كاليفورنيا شتاتىنىڭ ميلليونداعان تۇرعىنى ورمان ءورتىنىڭ كەسىرىنەن جارىقسىز قالۋى مۇمكىن. لوس-انجەلەستە توتەنشە جاعداي جاريالاندى، دەپ جازادى The New York Times.
كاليفورنياداعى ەڭ ءىرى ەلەكتر ەنەرگياسىنىڭ كومپانياسىنىڭ حابارلاۋىنشا، جارىق شتاتتىڭ 36 وكرۋگىندا ءسونۋى مۇمكىن. ال شتات گۋبەرناتورى كومپانيانى دۇرىس جۇمىس ىستەمەي جاتقانى ءۇشىن كىنالادى. سونىمەن قاتار ول جارىق سونەتىن تۇرعىندارعا 100 دوللار جەڭىلدىك بەرۋدى تالاپ ەتتى.
جۇما كۇنى PG&E كومپانياسى 850 مىڭ ادامنىڭ جارىقسىز قالۋى مۇمكىن ەكەنىن ەسكەرتتى. بۇل جاعداي 2 ميلليون ادامعا اسەر ەتۋى مۇمكىن. كومپانيا وكىلدەرىنىڭ ايتۋىنشا، قاتتى جەلدەن ەلەكتر جەلىلەرى زاقىمدانىپ، تۇتانۋى مۇمكىن، ال ورمان ورتىنە قۇرعاقشىلىق اسەر ەتىپ وتىر.
ايتا كەتۋ كەرەك، ءورت سارسەنبى كۇنى باستالعان ەدى. ءورت باستالعانعا دەيىن جەتى مينۋت بۇرىن PG&E جەلىلەرىنىڭ زاقىمدانعانى بەلگىلى بولدى. دەگەنمەن، ءورتتىڭ باستالۋ سەبەبى ءالى انىقتالعان جوق.
كاليفورنيا شتاتىندا 2018-جىلى شتات تاريحىنداعى ەڭ ءىرى ءورت سالدارىنان 85 ادام قازا تاپقان بولاتىن. ول كەزدە ءورت PG&E جەلىلەرىندەگى اۆاريا سالدارىنان بولعان ەدى.
الەم حالقىنىڭ 41 پايىزى 24 جاسقا تولماعان - The Guardian
«الەم بويىنشا بارلىق حالىقتىڭ A، ياعني، شامامەن 7,7 ميلليارد ادام 24 نەمەسە ودان تومەن جاستا. افريكادا حالىقىنىڭ A ءالى 15 جاسقا تولماعان. الەمدەگى حالىقتىڭ e ءومىر سۇرەتىن ازيا مەن لاتىن امەريكاسىندا بۇل كورسەتكىش % قۇرايدى»، دەپ جازادى The Guardian.
باسىلىمىنىڭ حابارلاۋىنشا، دامىعان ەلدەردە ديسبالانس باسقاشا ءوربيدى. ياعني، ەۋروپالىقتاردىڭ تەك ءالى 15 جاستان تومەن، ال حالىقتىڭ عانا 65 جاستان اسقان.
«بۇل جاھاندىق فەنومەن ساياسي بومباعا ۇقسايدى. ءار اي سايىن ءۇندىستاندا ميلليون ادام 18 گە تولادى جانە داۋىس بەرۋ قۇقىعىنا يە بولادى. ال تاياۋ شىعىس پەن سولتۇستىك افريكادا الداعى بەس جىلدا 27 ميلليون جاس جۇمىس نارىعىنا اياق باسادى. وسىلايشا حالىقتى جۇمىس ورىندارىمەن قامتىمايتىن، ءتيىستى جالاقى مەن تۇرعىن ءۇي ۇسىنا المايتىن ۇكىمەتتەر ۇلكەن پروبلەماعا تاپ بولادى»، دەپ جازادى باسىلىم.
اۆتور ماقالادا جاستاردىڭ كوبى ءبىلىمدى ەكەنىن جازادى.
«الەۋمەتتىك جەلىلەردىڭ ارقاسىندا، اعىلشىن ءتىلى مەن ينتەرنەتتەگى اقپاراتتىڭ جاھاندانۋى مەن دەموكراتيزاتسيالانۋىنىڭ ارقاسىندا جاستار ءومىردىڭ التەرناتيۆ نۇسقالارىنا وتە اشىق، سونىمەن قاتار امبەباپ نورمالار مەن قۇقىقتارعا تەز بەيىمدەلەدى. سونىمەن قاتار ولار ءسوز بوستاندىعىنىڭ شەكتەلۋىن قابىلداي المايدى»، دەپ جازادى اۆتور. ونىڭ ايتۋىنشا، الەمدە ءدال وسى الەۋمەتتىك ەۆوليۋتسياعا بايلانىستى ساياسي وزگەرىستەردى بايقاۋعا بولادى.
مارك تسۋكەربەرگ Facebook ءۇشىن جاڭا ۆاليۋتا جاساعىسى كەلەدى - Vox
فەيسبۋك كومپانياسىنىڭ باس ديرەكتورى مارك تسۋكەربەرگ كونگرەستىڭ قارجىلىق قىزمەت كوميتەتىنىڭ الدىندا ەسەپ بەردى، دەپ جازادى Vox.
مارك تسۋكەربەرگ وسى اپتادا ۆاشينگتونعا بارىپ، كونگرەسس الدىندا كومپانيانىڭ جاھاندىق ۆاليۋتاسىن جاساۋ يدەياسىن قورعادى. ونىڭ ايتۋىنشا، جاڭا تولەم جۇيەسى بىرنەشە پروبلەمانى شەشە الادى.
«بىرىنشىدەن، بۇل بانك ەسەپشوتىنا قول جەتكىزە المايتىن نەمەسە بانكتىڭ جوعارى كوميسسياسىنان قۇتىلعىسى كەلەتىن ادامدارعا پايداسىن تيگىزەدى. ەكىنشىدەن، بۇگىنگى تاڭدا ءبىر مەملەكەتتەن ەكىنشى مەملەكەتكە اقشا اۋدارۋ وتە قىمبات تۇرادى. ال فەيسبۋكتىڭ جاڭا ۆاليۋتاسى ءبىرشاما ارزان التەرناتيۆا بولماق. ۇشىنشىدەن، قازىرگى تاڭدا ترانزاكسيالاردىڭ كوپشىلىگى كوپ ۋاقىت الادى ءارى باياۋ جۇزەگە اسىرىلادى، ال فەيسبۋك ۆاليۋتاسى بۇل پروبلەمانى شەشە الادى»، دەيدى مارك تسۋكەربەرگ.
اۆتور: ايكۇمىس بولاتبەك