استانا پوليتسەيلەرى 40 ميلليون تەڭگە بوپسالاعان كۇدىكتىلەردى ۇستادى
ەلوردالىق پوليتسيا دەپارتامەنتىنە 31 جاستاعى قالا تۇرعىنى بوپسالاۋ فاكتىسى بويىنشا ارىزدانعان. جابىرلەنۋشىنىڭ ايتۋىنشا، ج ش س- ءنىڭ قارجى ديرەكتورى مەن ەنشىلەس كومپانياسىنىڭ اتقارۋشى ديرەكتورى قورقىتۋ جانە ينتيمدىك جازبالاردى تاراتۋ ارقىلى ودان 40 ميلليون تەڭگە كولەمىندە اقشا بوپسالاعان.
بۇل رەتتە كۇدىكتىلەر 15 ميلليون تەڭگەدەن استام قاراجاتتىڭ ءبىر بولىگىن يەمدەنىپ، قالعان سومانى بوپسالاۋدى جالعاستىرعان.
استانا قالاسى پ د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ەكەۋىن اقشا قاراجاتىن بەرۋ بارىسىندا قىلمىس ۇستىندە ۇستادى، ولاردان 2 ميلليون تەڭگە كولەمىندە اقشا قاراجاتى تاركىلەندى. اتالعان فاكتى بويىنشا اسا ءىرى مولشەردە بوپسالاعانى ءۇشىن ق ر ق ك- ءنىڭ 194-بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
رەداكتور
اسحات رايقۇل