اباي قالاسىندا سابيلەرگە قول كوتەرگەن تاربيەشى 40 تاۋلىككە قامالۋى مۇمكىن - ۆيدەو
بالالاردىڭ اتا-انالارى وقيعانى كوپشىلىك نازارىنا شىعارۋدى شەشكەن، دەپ حابارلايدى قازاقپارات.
بولجام بويىنشا وقيعا ناۋرىز مەيرامىن اتاپ ءوتۋ كەزىندە بولعان. سەبەبى ۆيدەودا تاربيەشىنىڭ ۇلتتىق كوستيۋمدە جۇرگەنىن بايقاۋعا بولادى. بالاباقشادا ورناتىلعان بەينەكامەرالارداعى جازبانى قاراۋ بارىسىندا اتا- انالاردىڭ ءبىرى تاربيەشى ەكى بالانى باسىنان ءسال ۇرىپ جىبەرگەنىن بايقايدى. انىقتاپ قاراعاندا ول ءوزىنىڭ بالاسىن تانيدى.
«مۇنداي ۆيدەولاردان كەيىن بالالاردى بالاباقشاعا جىبەرۋگە قورقامىز»، - دەپ جازادى ابايلىقتار الەۋمەتتىك جەلىلەردە.
«پاندەمياعا بايلانىستى اتا- انالارعا بالاباقشالارعا كىرۋگە تىيىم سالىندى. باسشىلىق تاراپىنان دا باقىلاۋ ءالسىز، تاماقتانۋدى ەشكىم باقىلامايدى. اتا- انالار كۇتپەگەن جەردەن جانە 3-5 ادامنان كەلىپ، باقىلاۋ جۇرگىزۋى كەرەك. كىشكەنتاي بالالار اتا- انالارىنا تاربيە، قارىم- قاتىناس جانە تاماقتانۋ شارتتارى تۋرالى كوپ نارسە ايتا المايدى»، - دەيدى جەرگىلىكتى تۇرعىندار.
اباي اۋدانىنىڭ ءبىلىم ءبولىمى بۇل وقيعا قاتىستى تەكسەرىس باستالعانىن حابارلادى. «ادەمى» بالاباقشاسى جەكەمەنشىك جانە اباي اۋدانىنىڭ ءبىلىم بولىمىنە باعىنىشتى ەمەس. جەكە باقشا 2021 -جىلدىڭ اقپان ايىندا اشىلدى، 550 ورىنعا ەسەپتەلگەن. اتالعان فاكتى بويىنشا كوميسسيا قۇرىلىپ، قاراۋ قورىتىندىسى بويىنشا قاجەتتى شارالار قابىلدانادى»، - دەيدى ءبىلىم ءبولىمى.
تاربيەشىنىڭ ارەكەتىن پوليتسيا دا تەرگەپ جاتىر.
«اتالعان فاكت ق ر ق ك-نىڭ 140-بابىندا كوزدەلگەن قىلمىستىق قۇقىق بۇزۋشىلىق قۇرامىنىڭ بەلگىلەرى بويىنشا اباي اۋدانىنىڭ پ ب-دە تىركەلدى. سوتقا دەيىنگى تەرگەۋ بارىسىندا پوليتسيا قىزمەتكەرلەرى 20 جاستاعى كۇدىكتىنى انىقتادى. تەرگەۋ امالدارى جۇرگىزىلىپ جاتىر»، - دەپ حابارلادى قاراعاندى وبلىسى پ د باسپا ءسوز قىزمەتى.