قازاقستاندا 40 جىل بۇرىنعى رەكورد قايتالاندى

نۇر-سۇلتان.قازاقپارات -قازان ايى بۇكىل قازاقستان بويىنشا سۋىق بولدى. «قازگيدرومەت» سينوپتيكتەرى مالىمەتىنشە، ءبىرقاتار وڭىردەگى اۋا تەمپەراتۋراسى ەڭ جوعارعى كورسەتكىش رەكوردىن جاڭارتقان.

قازاننىڭ ءبىرىنشى ونكۇندىگىندە رەسپۋبليكانىڭ بارلىق اۋماعىندا سۋىق بولدى، سوندىقتان تۇندە رەكورد اۋا تەمپەراتۋراسى تىركەلگەن. مىسالى، 2-قازاندا اياققۇم مەتەوستانتسياسىندا (اقتوبە وبلىسى) اۋا تەمپەراتۋراسىنىڭ ەڭ تومەنگى ءمانى تۇندە - 2,7 گرادۋس بولدى، وسىلايشا اۋا تەمپەراتۋراسى -1 گرادۋسقا جەتكەن 1976 -جىلعى رەكوردتى جاڭارتتى. 9-قازاندا اقتاۋ مەتەورولوگيالىق ستانتسياسىندا (ماڭعىستاۋ وبلىسى) اۋا تەمپەراتۋراسىنىڭ ەڭ تومەنگى ءمانى +1,8 گرادۋس بولدى، وسىلايشا مۇندا اۋا تەمپەراتۋراسى +2,2 گرادۋسقا جەتكەن 1987-جىلعى رەكورد جاڭاردى.

«قازاندا كەي كۇندەرى قازاقستاننىڭ قيىر سولتۇستىگىندە، سولتۇستىك- شىعىسىندا جانە شىعىسىندا ەكىنشى جانە ءۇشىنشى ونكۇندىكتەر اياعىندا تىركەلگەن اۋا تەمپەراتۋراسىنىڭ ماكسيمال ماندەر رەكوردى دا جاڭاردى. مىسالى، كىشكەنەكول مەتەورولوگيالىق ستانتسياسىندا (سولتۇستىك قازاقستان وبلىسى) قازاننىڭ ەكىنشى جارتىسىندا اۋا تەمپەراتۋراسى +18,1 گرادۋس بولدى، ناتيجەسىندە وسى كۇننىڭ بۇرىنعى رەكوردى جاڭاردى، ول +16,8 گرادۋس بولدى جانە 2009 -جىلى تىركەلگەن. 20-قازاندا كۇندىز وسكەمەن مەتەورولوگيالىق ستانتسياسىندا (شىعىس قازاقستان وبلىسى) اۋانىڭ ەڭ جوعارى تەمپەراتۋراسى +22,1 گرادۋس بولدى، ناتيجەسىندە وسى كۇننىڭ بۇرىنعى رەكوردى جاڭاردى، ول 1989 -جىلى +20,9 گرادۋس بولدى، سونداي- اق 24-قازاندا ەكىباستۇز مەتەورولوگيالىق ستانتسياسىندا (پاۆلودار وبلىسى) كۇندىز اۋانىڭ ەڭ جوعارى تەمپەراتۋراسى +16,2 گرادۋس بولدى، سونىڭ ناتيجەسىندە 1991 -جىلى +14,7 گرادۋس بولعان وسى كۇننىڭ بۇرىنعى رەكوردى جاڭاردى»، دەدى «قازگيدرومەت» وكىلدەرى.

نۇر- سۇلتاندا اۋا رايى ەڭ جىلى كۇن 20-قازاندا بولدى، سول كۇنى تەرمومەترلەر +16,5 گرادۋسقا دەيىن كوتەرىلدى، ال ەڭ سۋىق كۇن – 7-قازان، تۇندە اۋا تەمپەراتۋراسى -7,4 گرادۋسقا دەيىن تومەندەدى. جاۋىن- شاشىن مولشەرى 23 ميلليمەتر بولدى (اي سايىنعى نورما بويىنشا 27 ميلليمەتر) .

egemen.kz