ولار كەپتەلىستى ۆيدەوعا ءتۇسىرىپ العان.
وندا جۇرگىزۋشىلەر جول قوزعالىسىن رەتكە كەلتىرۋدى، كەپتەلىستە 40 مينۋت تۇرعانىن ايتادى.
كەپتەلىستىڭ ۆيدەوسى Instagram جەلىسىندەگى dorogi_almaty_official پاراقشاسىندا جاريالاندى. ۆيدەودان تولە بي جانە وتەگەن باتىر كوشەلەرىنىڭ قيىلىسىندا تۇرعان كولىكتەردى كورۋگە بولادى.
«باعدارشام جۇمىس ىستەمەيدى. جول اپاتى دا بولدى، 2 اۆتوبۋس تا تۇر».
«وسىندا تۇرعانىمىزعا 40 مينۋت بولعان شىعار. جول قوزعالىسىن رەتتەيتىن جول پوليتسياسى دا جوق. توقتاپ تۇرمىز. كەپتەلىس»، - دەيدى ۆيدەو اۆتورلارى.
الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسپا ءسوز قىزمەتى كولىك كەپتەلىسىنىڭ سەبەبىن ءتۇسىندىردى.
«مۇندا قۇبىرلاردى اۋىستىرۋ جۇمىسى ءجۇرىپ جاتىر. ونى بۇگىن، 10-جەلتوقساندا اياقتاۋىمىز كەرەك. بۇل جۇمىس اپات جاعدايدى جانە جىلۋ بەرۋدى توقتاتپاس ءۇشىن الدىن الا جۇرگىزىلىپ جاتىر»، - دەلىنگەن حابارلامادا.