بۇل تۋرالى پەداگوگيكا قىزمەتكەرلەرىنىڭ تامىز كەڭەسىندە ەلوردا اكىمى التاي كولگىنوۆ ايتتى، دەپ حابارلايدى قازاقپارات ءتىلشىسى.
«تاعى ءبىر ماڭىزدى تاقىرىپ - وتباسىداعى بالالاردىڭ جاعدايى. جىل سايىن جالپىعا مىندەتتى ورتا ءبىلىم باعدارلاماسى بويىنشا مۇقتاج وقۋشىلارعا ماتەريالدىق كومەك كورسەتىلەدى. وتكەن جىلى از قامتىلعان وتباسىلارداعى ءار بالاعا 30 مىڭ تەڭگە مولشەرىندە كومەك كورسەتتىك. ول كومەكتى 12 700 بالا الدى»، - دەدى قالا باسشىسى.
ونىڭ ايتۋىنشا، بيىل بۇل مولشەر 10 مىڭ تەڭگەگە ارتتىرىلىپ 40 مىڭ تەڭگەگە جەتكىزىلگەن. ەندى كوپبالالى وتباسىدا 4 بالا بولسا 160 مىڭ تەڭگەنىڭ، 3 بالا بولسا، 120 مىڭ تەڭگەنىڭ ماتەريالدىق كومەگى كورسەتىلەدى.
«ارينە، بۇل قازىرگى جاعدايدا، جۇمىس توقتاپ، شاعىن بيزنەس تاراپىنان 60 ملرد تەڭگە بيۋدجەتكە تۇسپەي قالعان كەزدە قيىن. ءبىراق، سوعان قاراماستان ءبىز، اسىرەسە، از قامتىلعان وتباسىلاردى قولداۋدى جالعاستىرۋدامىز. الايدا قازاقتىڭ جالپاق تىلىمەن ايتقاندا «سۋدىڭ دا سۇراۋى بار» . ويتكەنى، اتا- انالار قاراجاتتى قولعا بەرىڭدەر دەپ جاتىر. ءبىز دە سونى قالادىق. ءبىراق، زاڭ بويىنشا ولاي جاساي المايدى ەكەنبىز. سەبەبى ۇكىمەت قاۋلىسىندا ول قاراجاتتى جۇمساۋدىڭ ناقتى ماقساتى كورسەتىلگەن. ەڭ الدىمەن بالالارعا مەكتەپكە قاجەتتى كيىم- كەشەك، مەكتەپ زاتتارىن الۋ كەرەك. مەملەكەتتىك بيۋدجەت بولعاننان كەيىن ءاربىر تيىننىڭ ەسەبىن بەرۋىمىز كەرەك. سونى تۇسىندىردىك، اتا-انالار ءتۇسىندى»، - دەدى التاي كولگىنوۆ.
اۆتور: مارلان جيەمباي