استانادا ليفتىدەگى اقاۋلار 40 مينۋتتا جويىلاتىن بولادى
15:07, 04 - قىركۇيەك 2018
استانا. قازاقپارات - iKomek ورتالىعى مەن ق ر ليفت كومپانيالارى قاۋىمداستىعى ىنتىماقتاستىق تۋرالى كەلىسىم جاسادى. وعان سايكەس، ەلوردا تۇرعىن ۇيلەرىندەگى ليفتىلەردىڭ اقاۋلارى 20-40 مينۋتتىڭ ىشىندە جويىلاتىن بولادى، دەپ حابارلايدى قازاقپارات ءتىلشىسى.
«ق ر ليفت كومپانيالارى قاۋىمداستىعى ەلورداداعى 22 ليفت ۇيىمىندا جەدەلساتىلاردىڭ جۇمىستارى مەن ولارعا قىزمەت كورسەتۋ بويىنشا تالاپتار مەن ستاندارتتاردى بەلگىلەدى. وسىلايشا قالاداعى بارلىق ليفت قوندىرعىلارىنىڭ% 80 قامتىماق. كەلىسىم اياسىندا ليفتىلەردەگى اقاۋلاردى جويۋ ۋاقىتى حابار تۇسكەن ساتتەن باستاپ 20-40 مينۋتتى قۇرايدى» ، - دەلىنگەن حابارلامادا.
اتالىپ وتىلگەندەي، قالا تۇرعىندارى iKomek ورتالىعىنا نەمەسە ليفت ۇيىمدارىنىڭ ديسپەتچەرلىك قىزمەتتەرىنە تىكەلەي حابارلاسا الادى.
اقپارات بويىنشا، 2018 -جىلدىڭ باسىنان بەرى iKomek ورتالىعىنا ەلورداداعى ليفت كومپانيالارىنىڭ قىزمەتى بويىنشا 2216 حابار تۇسكەن.