ۋكراينا قازاقستاندىقتارعا 40 وقۋ گرانتىن ۇسىندى
وقۋ گرانتتارى 2010-جىلعى قازاقستان رەسپۋبليكاسى ءبىلىم جانە عىلىم مينيسترلىگى مەن ۋكراينا ءبىلىم جانە عىلىم مينيسترلىگى اراسىنداعى ءبىلىم جانە عىلىم سالاسىنداعى ىنتىماقتاستىق تۋرالى كەلىسىمگە سايكەس ۋكراينا تاراپىنان قازاقستان رەسپۋبليكاسى ازاماتتارىنىڭ ۋكراينانىڭ جوعارى وقۋ ورىندارىندا تەحنيكالىق، ەكونوميكالىق جانە گۋمانيتارلىق ماماندىقتار بويىنشا وقۋى ءۇشىن ۇسىنىلادى.
ولاردىڭ ىشىندە: 30 ورىن باكالاۆريات باعدارلامالارى بويىنشا، ونىڭ ىشىندە شىعۋ تەگى ۋكراين ازاماتتار ءۇشىن؛ 10 ورىن ماگيستراتۋرا باعدارلامالارى بويىنشا، ونىڭ ىشىندە شىعۋ تەگى ۋكراين قازاقستان ازاماتتارى ءۇشىن. كەلىسىمگە سايكەس، وقۋ تەگىن، جوعارى وقۋ ورنى جاتاقحاناسى مەن وقۋشىلار ستيپەندياسى (شامامەن 9000 تەڭگە) قاراستىرىلعان. ارنايى تالاپتارعا ساي كەلەتىن قۇجاتتاردى قابىلداۋ 2017-جىلدىڭ 1- مامىرىنا دەيىن جۇرگىزىلەدى.