جەتى جىلدان كەيىن: ەكى جاسىندا كۇنىنە 40 تال تەمەكى تارتقان بالا بۇگىن قانداي كەيىپتە؟ - فوتو
اردي ريزال ەسىمدى بۇل بالا ەكى جاسىنان باستاپ كۇنىنە قىرىق تال تەمەكى تارتقان.
ونىڭ وتباسى سۋماترا ارالىندا تۇرادى. ءبىر تاڭقالارلىعى ونىڭ اتا- اناسى دا، اۋىل تۇرعىندارى دا كىشكەنتاي بالانىڭ تەمەكى تارتقانىن ابەس سانامايدى. ال اناسى بالاسىنىڭ تەمەكى تارتپاسا باسى اينالىپ، اۋىراتىنىن، اشۋعا بوي الدىراتىنىن ايتقان.
يندونەزياداعى بالالاردىڭ قۇقىعىن قورعاۋ ۇيىمىنىڭ وكىلى ءارديدىڭ «ءوز اينالاسىنداعىلاردىڭ قۇربانىنا اينالعانىن» جەتكىزگەن. «بۇل قوعامدا ادامدار بۇرىننان شىلىم شەگەدى. ولار مۇنى ەش زيانى جوق ادەتكە بالايدى. بالانى مۇنداي تاۋەلدىلىكتەن ارىلتۋ قاجەت» - دەگەن ەدى ولار.
جالپى شىلىم شەگۋ يندونەزيادا ۇلتتىق ماسشتابقا يە ماسەلە. بۇل ەلدە 80 ميلليون بالا 10 جاسقا تولعانعا دەيىن تەمەكى تارتۋدى ۇيرەنەدى. 2008 -جىلى 235 ميلليون تۇرعىنعا 165 ميلليون تەمەكى ساتىلعان.
ارديدىڭ وقيعاسىنان كەيىن ەل ۇكىمەتى بالالاردىڭ شىلىم شەگۋىن توقتاتۋ ماقساتىندا ءتۇرلى كامپانيالار ۇيىمداستىرۋدى دا قولعا الدى. ال ءارديدىڭ ءوزى وڭالتۋ ورتالىعىنا جاتقىزىلدى. ەرەسەكتەرگە ارنالعان ەم- دوم ەكى جاستاعى بالاعا جارامايتىندىقتان دارىگەرلەر ونىڭ نازارىن باسقا نارسەگە اۋدارۋدى ءجون كورەدى. سوڭىندا اردي شىلىمنان باس تارتىپ، شەكتەن تىس كوپ تاماق ىشەتىن بولعان. اسىرەسە قۇرامىندا قانتى كوپ ءتاتتى تاعاسمدارعا اۋەستەنگەن. ءسويتىپ التى جاسىندا سەمىزدىك اۋرۋىنا ۇشىرايدى.
اتا- اناسى ەندى ديەتولوگتارعا جۇگىنۋگە ءماجبۇر بولادى. ەكى جىل دەگەندە ول قولىنا نە تۇسسە سونى جەيتىن ادەتىن دوعارىپ، دۇرىس تاماقتانۋعا ۇيرەنەدى. ءقازىر ول قاتارلاستارىنان قالماي ءوسىپ كەلەدى.
دەرەككوز: kulturologia.ru