يراك اسكەرى موسۋل قالاسىنىڭ 40 پايىزىن ءوز باقىلاۋىنا الدى
09:30, 23 - ناۋرىز 2017
استانا. قازاقپارات - يراك اسكەرى موسۋل قالاسىنىڭ 40 پايىزىن ءوز باقىلاۋىنا الدى. بۇل تۋرالى ەلدىڭ لاڭكەستىككە قارسى قىزمەتىنىڭ گەنەرالى مالىمدەدى.
ونىڭ ايتۋىنشا، قازىر شاھارعا كىرەتىن كۇرە جولدىڭ بارلىعى بيلىك اسكەرىنىڭ قول استىندا. سوندىقتان ونداعى لاڭكەستەر تولىقتاي قورشاۋدا قالعان. ءبىراق سودىرلارعا سوققى جاساۋ ازىرگە كىدىرىپ تۇر. ويتكەنى ولاردىڭ باقىلاۋىنداعى ايماقتا 600 مىڭ بەيبىت تۇرعىن بار. ايتا كەتكەن ءجون، موسۋل «يراك پەن ليەۆانت لاڭكەستىك ۇيىمىنىڭ» بەيرەسمي استاناسى سانالادى. ۇكىمەت اسكەرى ونى ازات ەتۋگە وتكەن جىلدىڭ قازانىندا كىرىسكەن. وعان يراك جاۋىنگەرلەرىمەن بىرگە ا ق ش باسقاراتىن حالىقارالىق كواليتسيا جاساعى دا اتسالىسىپ جاتىر.
دەرەككوز: "حابار 24" ارناسى