الماتىدا نايزاعايدىڭ كەسىرىنەن 40 قا جۋىق باعدارشام ىستەن شىقتى
22:53, 16 - مامىر 2016
استانا. قازاقپارات - الماتىدا جەكسەنبى كۇنى نايزاعايدان 40 قا جاقىن باعدارشام ىستەن شىقتى، دەپ حابارلايدى bnews.kz.
«كەشە نايزاعايعا بايلانىستى 40 قا تارتا باعدارشام ىستەن شىقتى. ءبىزدىڭ كەزەكشى توپ اقاۋدى جويۋعا بىردەن اتتاندى. قازىر بارلىق باعدارشام جۇمىس ىستەپ تۇر»، - دەدى الماتىداعى «سمەۋ» ج ش س كەزەكشى ديسپەتچەرى.
پوليتسەيلەردىڭ مالىمەتىنشە، وسى ۋاقىت ارالىعىندا 20 جول اپاتى ورىن العان، 1 ادام قازا تاپتى. الايدا ءتارتىپ ساقشىلارىنىڭ ايتۋىنشا، بۇعان ءسونىپ تۇرعان باعدارشامداردىڭ قاتىسى جوق.
«جول اپاتى ىستەن شىققان باعدارشامنىڭ كەسىرىنەن بولمايدى. كەز كەلگەن ادام ەڭ الدىمەن جول قوزعالىسى ەرەجەسىن قاتاڭ ساقتاۋى ءتيىس. ەگەر باعدارشام ءسونىپ تۇرسا، جۇرگىزۋشى ەرەجەلەرگە ساي ءجۇرۋى كەرەك»، - دەدى الماتى ءى ءى د باسپا ءسوز قىزمەتىنىڭ جەتەكشىسى سالتانات ازىربەك.