بيىل جەردە 40 ماگنيتتى داۋىل بولادى دەپ كۇتىلۋدە
09:30, 06 - قاڭتار 2016
استانا. قازاقپارات - 2016 -جىلى جەردە 40 قا جۋىق ماگنيتتى داۋىل، سونىڭ ىشىندە جەتەۋى اسا ءىرى بولادى دەپ بولجانىپ وتىر. بۇل تۋرالى رەسەي توتەنشە جاعداي مينسترلىگى حابارلادى.
«2016 -جىلى 25-40 گەوماگنيتتى داۋىل بولادى دەپ بولجانعان. ولاردىڭ ءۇش- جەتەۋى اۋقىمى جاعىنان ءىرى جانە اسا ءىرى بولماق. جوعارى ساناتتاعى داۋىلدىڭ بولۋ قاۋپى -15. گەوماگنيتتى بەلسەندىلىكتىڭ Ap-يندەكسىنىڭ ورتاشا جىلدىق دەڭگەيى 10±3 دەڭگەيىندە بولۋى ىقتيمال»، - دەگەن ر ف ت ج م «انتيستيحيا» ورتالىعىنىڭ بولجامىن كەلتىرەدى ر ي ا نوۆوستي.
پلانەتانىڭ ماگنيتوسفەراسىنا كۇننەن شىققان ۇيىسقان پلازما سوعىلعاندا جەردە ماگنيتتى داۋىل باستالادى. زاريادتالعان بولشەكتەر گەوماگنيتتى اۋىتقۋلاردى تۋدىرادى. بۇل ەلەكتروندى جابدىقتاعى، راديوبايلانىستاعى جانە ەلەكتر جەلىلەرىندەگى اقاۋلىقتارعا سوقتىرۋى مۇمكىن.