سالتاناتتى شارا قالا اكىمدىگىنىڭ الدىنداعى الاڭدا ءوتتى، دەپ حابارلايدى استانا قالاسى اكىمىنىڭ باسپا ءسوز قىزمەتى.
جاڭا قىزمەتتىك كولىكتەر ەلوردالىق پوليتسەيلەرگە كاسىبي مەرەكەلەرى اياسىندا قول جەتكىزدى. اتاپ ايتقاندا، قوعامدىق ءتارتىپتى جانە قاۋىپسىز جول قوزعالىسىن قامتاماسىز ەتۋگە ارنالعان «پەجو 301»، رەسمي دەلەگاتسيالاردى تاسىمالداۋعا ارنالعان «پەجو 508» جانە «شكودا وكتاۆيا»، سونىمەن قاتار، ساياجاي الاپتارىن پاترۋلدەۋگە ارنالعان «سانگەنگ- كايرون» اۆتوكولىكتەرى.
وتاندىق كولىكتەردىڭ بارلىعى پوليتسيا كولىكتەرىنىڭ قازىرگى زامانعى تەحنيكالىق تالاپتارىنا ساي جانە ءى ءى م اقپارات بازاسىنان قاجەتتى جەدەل اقپاراتتى الۋ، قوعامدىق ءتارتىپتى بۇزۋ مەن جول قوزعالىسى ەرەجەلەرىن ساقتاماۋ فاكتىلەرىن تىركەۋ قۇرىلعىلارىمەن جابدىقتالعان.
قىزمەتتىك اۆتوكولىكتەر پاركىن جاڭارتۋ - مەملەكەتتىڭ قۇقىق قورعاۋ ورگاندارى قىزمەتىنىڭ ساپاسىن ارتتىرۋعا باعىتتالعان كەشەندى شارالارىنىڭ ءبىر بولىگى عانا.
بۇگىنگى تاڭدا استانادا «تىنىس- تىرشىلىكتى قامتاماسىز ەتۋدىڭ كەشەندى جۇيەسى» اۋقىمدى جوباسى جۇزەگە اسىرىلىپ جاتىر. الداعى ۋاقىتتا جوبا اياسىندا قالادا 15 مىڭ بەينەكامەرا ورناتۋ كوزدەلگەن. بۇل جوبانىڭ باسقا ەلەمەنتتەرىمەن بىرگە ەلوردالىق پوليتسيا جۇمىسىنىڭ تەحنولوگيالىق بازاسىن جاڭا دەڭگەيگە كوتەرەدى.
- مەملەكەت باسشىسى ءوزىنىڭ 5 ينستيتۋتسيونالدى رەفورمانى جۇزەگە اسىرۋ باعىتىنداعى «100 ناقتى قادام» باعدارلاماسىندا پوليتسيانى جاڭا ساپالى كەزەڭگە كوتەرۋ ءۇشىن ءبىرقاتار ماڭىزدى تاپسىرما بەرگەن بولاتىن. قۇقىق قورعاۋ ورگاندارى قىزمەتكەرلەرىن مەملەكەتتىك قىزمەت جۇيەسىنە قوسۋ جانە جەرگىلىكتى پوليتسيا قىزمەتىن قۇرۋ پوليتسيا قىزمەتىنىڭ، استانا قالاسى ىشكى ىستەر دەپارتامەنتى جۇمىسىنىڭ ۇيىمداستىرىلۋىنا وڭ اسەر ەتەدى، - دەدى اكىم.
بۇگىنگى تاڭدا قالاداعى ءتارتىپتى ەلوردا گارنيزونىنىڭ 3400 قىزمەتكەرى قامتاماسىز ەتەدى. اكىمنىڭ ايتۋىنشا، ولار قالا اكىمدىگىمەن بىرىگىپ مەملەكەت باسشىسىنىڭ تاپسىرمالارىن جۇزەگە اسىرۋ باعىتىندا ۇلكەن جۇمىستار اتقارۋ كەرەك.
قورىتىندىلاي كەلە، قالا باسشىسى قۇقىق قورعاۋ ورگاندارىنىڭ قىزمەتكەرلەرىنە وسىناۋ ماڭىزدى جۇمىستارىنا ساتتىلىك پەن بار جاقسىلىقتى تىلەدى.