قىتاي جىبەك جولى بويىنداعى ينفراقۇرىلىمدى دامىتۋعا 40 ميلليارد دوللار بولمەك
بۇل تۋرالى بۇگىن VIII استانا ەكونوميكالىق فورۋمىندا بىرىككەن ۇلتتار ۇيىمى دامۋ باعدارلاماسىنىڭ (ب ۇ ۇ د ب) باسشىسى حەلەن كلارك ايتتى.
«كەز كەلگەن مەملەكەتتىڭ دامۋىنا ايرىقشا ۇلەس قوساتىن بيزنەس تۇرلەرى بار. ولار - تازا ەنەرگيا، ترانسپورت جانە ءوندىرىس. سوندىقتان بۇگىنگى استانا ەكونوميكالىق فورۋمىنىڭ تاقىرىبى ينفراقۇرىلىمعا ارنالعاندىعى مەنى قاتتى قۋانتادى. مەن ەرەكشە اتاپ كەتكىم كەلىپ تۇرعانى - وسى ينفراقۇرىلىم سالاسىندا ورتالىق ازيا وڭىرىندە، اسىرەسە، قازاقستانعا جاقىن ايماقتا وراسان ۇلكەن جوبالار جوسپارلانۋدا. جۋىردا قىتايدا بولعانىمدا، قورىندا 100 ميلليارد دوللارعا جۋىق قاراجاتى بار ينۆەستيتسيالىق كومپانيانىڭ بولاشاق جوسپارلارىمەن تانىستىم. قىتايداعى «ءبىر جول - ءبىر قۇرىلىس» دەگەن باعدارلاما بويىنشا جىبەك جولى بويىنداعى ينفراقۇرىلىمدى دامىتۋعا 40 ميلليارد دوللار قۇيۋ جوسپارلانعان»، - دەپ اتاپ ءوتتى ح. كلارك.
اۆتور: ءابۋ-اسقار مەكەش ۇلى