الاكول اۋدانىندا بىردەن 40 وتباسى جاڭا قونىسقا كوشتى
بەسكول اۋىلدىق وكرۋگىندە بەس قاباتتى ءۇي قالپىنا كەلتىرىلدى. «قولجەتىمدى باسپانا-2020» باعدارلاماسى اياسىندا يەسىز قالعان عيماراتتى كۇردەلى جوندەۋگە 230 ميلليون تەڭگەدەن استام قارجى ءبولىندى.
وڭتايلاندىرۋ جىلدارى بۇرىنعى قانت زاۋىتىنىڭ تۇرعىن ءۇي قورى قۇلدىرادى. بەسقاباتتى ۇيلەردى قالپىنا كەلتىرۋدى جەرگىلىكتى بيلىك بۇدان ءۇش جىل بۇرىن باستادى.
باقىتتى قىرىق جاڭا قونىس يەلەرىنىڭ اراسىندا ۇمىتگۇل شايماردانوۆا دا بار.
- مەن ءۇشىن بۇل ەرەكشە كۇن. بۇگىن مەن «قولجەتىمدى باسپانا» باعدارلاماسى بويىنشا جاڭا پاتەردىڭ كىلتىن الدىم. مەن ەلىمىزدىڭ پرەزيدەنتىنە باسپانالى بولۋىما مۇمكىندىك بەرگەنى ءۇشىن العىس ايتقىم كەلەدى، - دەدى جاڭا قونىس يەسى ۇمىتگۇل شايماردانوۆا.
اۋدان باسشىلىعى حالىقتى تۇرعىن ۇيمەن قامتۋ پروبلەمالارىن وڭ شەشۋدى ودان ءارى جالعاستىرماق. جاڭا باستالعان جىلدا كوپقاباتتى ۇيلەر دوستىق كەنتىندە، قابانباي اۋىلىندا جانە اۋدان ورتالىعى - ءۇشارالدا قاتارعا قوسىلادى.