شەشەك اۋرۋىنا قارسى ەگۋدەن سوڭ 40 بالا كوز جۇمدى
09:25, 17 - قىركۇيەك 2014
استانا. قازاقپارات - سيريادا شەشەك اۋرۋىنا قارسى ساپاسىز ۆاكسينا ەگۋ سالدارىنان 40 تان اسا بالا كوز جۇمعان.
ب ۇ ۇ بالالار قورىمەن ەكى كۇن بۇرىن كەلىسىم جاساعان پروفيلاكتيكالىق كامپانيا يدليب پروۆينتسياسىنىڭ سولتۇستىك-باتىس ايماعىنداعى سيريا وپپوزيتسياسىنىڭ باقىلاۋىنداعى اۋداندا قايعىلى جاعدايعا تاپ بولدى.
يتار-تاسس مالىمەتتەرىنە قاراعاندا، دجيردجانازدىڭ وزىندە 12 بالا قازا تاپقان. ون شاقتى بالا اۋىر حالدە جاتىر. ولاردا قاتتى ۋلانۋ مەن اللەرگيانىڭ بەلگىلەرى بايقالادى. وپپوزيتسيالىق جانە ريەۆوليۋتسيالىق كۇشتەردىڭ ۇلتتىق كواليتسياسى قۇرعان «ۋاقىتشا ۇكىمەت» ۆاكسيناتسيا بويىنشا كامپانيالاردىڭ جۇمىسىن ۋاقىتشا توقتاتتى.