ش ى ۇ ەلدەرىندە تەرروريستەر قولىنان 400 دەن استام ادام قازا تاپتى

استانا. قازاقپارات - شاڭحاي ىنتىماقتاستىق ۇيىمىنا (ش ى ۇ) مۇشە مەملەكەتتەردە لاڭكەستىك شابۋىلدىڭ كۇرت ءوسۋى بايقالادى. بۇل جونىندە ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى رۋسلان سەيسەمبايەۆ ايتىپ بەردى، دەپ حابارلايدى قازاقپارات ءتىلشىسى.

«ساراپشىلاردىڭ باعالاۋى بويىنشا، سوڭعى ءۇش جىلدا شاڭحاي ىنتىماقتاستىق ۇيىمى (ش ى ۇ) مەملەكەتتەرىندە كەم دەگەندە 80 رەزونانستىق لاڭكەستىك شابۋىل جاسالدى. بيىل ولاردىڭ كۇرت ءوسۋى بايقالادى. ەگەر 2022 -جىلى 18 (لاڭكەستىك شابۋىل) بولسا، 2023 -جىلى 47 بولدى»، - دەدى رۋسلان سەيسەمبايەۆ ەلوردادا ءوتىپ جاتقان ش ى ۇ وتىرىسىندا.

ونىڭ مالىمدەۋىنشە، تەرروريستەردىڭ قولىنان 400-دەن استام بەيبىت ازامات قازا تاۋىپ، 940-قا جۋىق ادام جاراقات الدى.

«كۇش قۇرىلىمدارى مەن قۇقىق قورعاۋ ورگاندارىنا كۇش قولدانۋ ارەكەتتەرىنىڭ جولىن كەسۋ ءۇشىن 300-دەن استام تەرروريزمگە قارسى وپەراتسيالار جۇرگىزىلدى. 1600 تەرروريست پەن ولاردىڭ كومەكشىلەرى ۇستالدى. بيلىككە قارسىلىق كورسەتكەن 60-قا جۋىق قىلمىسكەر قامالدى»، - دەدى ۇ ق ك ءتوراعاسىنىڭ ورىنباسارى.

بۇعان دەيىن لاڭكەستەر تۇركىستانداعى قوجا احمەت ياساۋي كەسەنەسىن قولدان جاسالعان جارىلعىش قۇرىلعىمەن جارماق بولعانى تۋرالى حابارلاعان ەدىك.

ايتا كەتەيىك، بۇگىن استانادا قازاقستاننىڭ توراعالىعىمەن شاڭحاي ىنتىماقتاستىق ۇيىمىنىڭ (ش ى ۇ) وڭىرلىك تەرروريزمگە قارسى قۇرىلىم راتس كەڭەسىنىڭ 40-ى وتىرىسى ءوتىپ جاتىر.

اۆتور:

داۋلەت ىزتىلەۋ