ق ر پرەمەر-ءمينيسترىنىڭ ورىنباسارى التاي كولگىنوۆتىڭ باسشىلىعىمەن ۇكىمەتتە وتكەن كەڭەستە جوبانى ىسكە اسىرۋ ماسەلەلەرى قارالدى.
كەڭەسكە وڭىرلەر مەن قالالار اكىمدىكتەرىنىڭ، ق ر وقۋ-اعارتۋ مينيسترلىگى، ق ر يندۋستريا جانە ينفراقۇرىلىمدىق دامۋ مينيسترلىگىنىڭ، «Samruk-Kazyna Construction» ا ق جانە باسقا دا مەملەكەتتىك ورگانداردىڭ باسشىلارى قاتىستى.
ۇلتتىق جوبانى ىسكە اسىرۋ ارقاسىندا رەسپۋبليكادا 840 مىڭنان استام وقۋشى ورنى (ەكى اۋىسىمدا) قۇرىلادى.
التاي كولگىنوۆ قاجەتتىلىك بار قالالار مەن اۋدانداردا جاڭا فورماتتاعى مەكتەپتەر سالۋدىڭ ماڭىزدى ەكەنىن اتاپ ءوتتى.
ماسەلەن، 2023-جىلى اكىمدىكتەر وقۋ-اعارتۋ مينيسترلىگىمەن جانە جانە «Samruk-Kazyna Construction» ا ق ۇلتتىق جوباسىنىڭ ءبىرىڭعاي وپەراتورىمەن بىرلەسىپ، 400 دەن استام جايلى مەكتەپتىڭ ىشىندە 467800 وقۋشىعا ارنالعان 221 مەكتەپ سالۋعا كىرىسۋى قاجەت.
«ءىرى قالالاردا ىشكى كوشى-قوننىڭ ۇلەسى ەداۋىر ەكەنىن، تۋۋ كوەففيتسيەنتى مەن حالىقتىڭ تىعىزدىعى جوعارى ەكەنىن ەسكەرە وتىرىپ، مەكتەپتەردە 2,5 مىڭ وقۋشىعا ارنالعان ورىن بولۋى كەرەك. مۇنداي ۇلكەن مەكتەپتەر تيپتىك مەكتەپتەرمەن سالىستىرعاندا 2-3 ەسە كوپ وقۋشى ورىندارىن قۇرۋعا مۇمكىندىك بەرەدى. بۇل اپاتتى مەكتەپتەردى جويۋ، ءۇش اۋىسىممەن وقىتاتىن جانە تىعىزدالعان وقىتۋ رەجيمى ماسەلەلەرىن شەشۋگە، ءبىلىم بەرۋ ساپاسىن ەداۋىر ارتتىرۋعا جانە وقىتۋ ءۇشىن قولايلى جاعدايلار جاساۋعا مۇمكىندىك بەرەدى. بۇل ماسەلە - مەملەكەت باسشىسىنىڭ باقىلاۋىندا»، — دەدى ق ر پرەمەر-ءمينيسترىنىڭ ورىنباسارى التاي كولگىنوۆ.
ەلىمىزدىڭ قالالارى مەن وڭىرلەرى اكىمدىكتەرىنىڭ الدىنا وقۋ- اعارتۋ مينيسترلىگىمەن، «Samruk-Kazyna Construction» اق جانە باسقا دا جاۋاپتى ورگاندارمەن بىرلەسىپ، ۆيتسە-پرەمەر التاي كولگىنوۆ مىناداي مىندەتتەر قويدى: وسى جىلدىڭ سوڭىنا دەيىن ۇلتتىق جوبانى ىسكە اسىرۋدىڭ ناقتى مەرزىمدەرىن كورسەتە وتىرىپ، جول كارتاسىن بەكىتۋ، باسشىلىقتان جاۋاپتى تۇلعالاردى بەكىتۋ، وقۋ وردالارىنىڭ قاجەتتىلىكتەرىن ەسكەرە وتىرىپ، جەر ۋچاسكەلەرىن راسىمدەۋ بويىنشا جۇمىستى اياقتاۋ، 2023-جىلدىڭ كوكتەمىندە جاڭا فورماتتاعى مەكتەپتەردىڭ قۇرىلىسىن باستاۋ.