وقيعا جۇما كۇنى ەلدىڭ سولتۇستىگىندەگى كاتسينا شتاتىنىڭ كانكارا قالاسىندا بولعان، دەپ حابارلايدى قازاقپارات Euronews-كە سىلتەمە جاساپ.
موتوتسيكل مىنگەن قاراشىلار بالالار ۇيىقتاپ جاتقاندا وق جاۋدىرىپ، مەكتەپ عيماراتىنا باسا كوكتەپ كىرگەن. پوليتسيا بولىمشەلەرى قىلمىسكەرلەردىڭ ىزىنە ءتۇسىپ 200 وقۋشىنى قۇتقارىپ ۇلگەرگەن. ولاردىڭ كەيبىرى قاشىپ قۇتىلعان.
كەيىن بالالاردى قۇتقارۋ وپەراتسياسىنا اسكەري كۇش قوسىلدى. كامەلەتكە تولماعانداردى نيگەريانىڭ سولتۇستىك-باتىسىنداعى قارۋلى زاڭسىز توپ قۇن تولەپ بوساتۋ ماقساتىندا ۇرلاپ اكەتتى دەگەن بولجام بار.
بيلىك مەكتەپ وقۋشىلارىن تەزىرەك بوساتۋ ءۇشىن قولدان كەلگەننىڭ ءبارىن جاساۋعا ۋادە بەردى.
ەسكە سالا كەتەيىك، 2014-جىلى ساۋىردە راديكال «بوكو حارام» توبىنىڭ مۇشەلەرى بورنو شتاتىنىڭ سولتۇستىك-شىعىسىنداعى چيبوك قالاسىنداعى مەكتەپ جاتاقحاناسىنان 276 قىزدى ۇرلاپ كەتكەن. شامامەن 100 گە جۋىق قىزدىڭ قايدا ەكەنى ءالى بەلگىسىز.