استانادا 400 پوليتسەي ەكى اۆتوبازاردى قورشاۋعا الدى
بۇل مالىمەتتى استانا قالاسىنىڭ ءى ءى د باسپا ءسوز قىزمەتىنىڭ وكىلدەرى راستادى. جەدەل-الدىن الۋ شاراسى قولدانىلعان اۆتوبولشەكتەردى ساتاتىن «قامقور 2» جانە «تيتان» بازارلارىندا جۇرگىزىلىپ جاتىر. پوليتسياداعىلاردىڭ ايتۋىنشا، بۇل ءىس-شارا جوسپارلى تۇردە جانە بىرەۋدىڭ مۇلكىن ۇرلاۋدىڭ الدىن الۋعا باعىتتالعان.
اتاپ ايتقاندا، ىشكى ىستەر دەپارتامەنتىنىڭ قىزمەتكەرلەرى ۇرلانعان مۇلىكتى ساتىپ الۋعا، ساقتاۋعا جانە زاڭسىز ارەكەتتەرمەن اينالىساتىن ادامداردى انىقتاۋ ءۇشىن جۇمىس ىستەپ جاتىر. بۇدان باسقا، پوليتسەيلەر ساتۋشىلار اراسىندا ءتۇسىندىرۋ جۇمىسىن جۇرگىزىپ جاتىر.
«بۇل الدىن الا جوسپارلانعان شارا، مۇندايدى ءبىز ءجيى جۇرگىزىپ تۇرامىز. ءقازىر تەك جۇمىس كولەمى كەڭەيتىلدى، سەبەبى كولىكتەن اككۋمۋلياتور، اينا ۇرلىعى كوبەيىپ كەتتى. بىزدە ۇرلانعان مۇلىكتىڭ ءتىزىمى بار. قازىر سول تىزىمدەگى ۇقساس بەلگىلەر بويىنشا تەكسەرۋ جۇرگىزۋ ۇستىندەمىز. كەيىن تابىلعان زات تەكسەرىسكە جولدانادى. ول ۇرلانعان مۇلىك بولىپ شىقسا، يەسىنە از ۋاقىتتىڭ ىشىندە قايتارىپ بەرەمىز»، - دەدى استانا قالاسىنىڭ ىشكى ىستەر دەپارتامەنتىنىڭ قىلمىستىق پوليتسيا باسقارماسىنىڭ باسشىسى دميتري دەميدوۆ.
استانا قالالىق ءى ءى د باسپا ءسوز قىزمەتى «قۇجاتى مەن ونى ساتىپ العان يەسى تۋرالى مالىمەت جوق قولدانىلعان ءبىراز اۆتوبولشەك انىقتالدى. قولدانىلعان بولشەكتەردىڭ جەكە يەلەرى دە زاتتىڭ قايدان جەتكىزىلگەنىن ءتۇسىندىرىپ بەرە الماي وتىر»، - دەدى دميتري دەميدوۆ. ەسكە سالا كەتەيىك، كەشە، 26 -شىلدەدە الماتىدا دا وسىنداي شارا جۇگىزىلگەن بولاتىن. مۇندا «جىبەك جولى» مەن «كار سيتي» اۆتوبازارى تەكسەرىلگەن ەدى.
Kaz.tengrinews.kz