ماروككو كورولى 400 تەرروريستكە راقىمشىلىق جاريالادى
09:36, 20 - تامىز 2017
استانا. قازاقپارات - ماروككو كورولى مۋحاممەد VI لاڭكەستىك ارەكەتتەرى ءۇشىن ايىپتالعان 400 ادامعا راقىمشىلىق جاريالادى، دەپ حابارلايدى ر ي ا نوۆوستي.
راقىمشىلىق تۋرالى جاڭالىق ماروككوداعى ريەۆوليۋتسيانىڭ 64 جىلدىعى قارساڭىندا جاريالاندى.
«راقىمشىلىققا ىلىككەندەر رەسمي تۇردە ۇلت قۇندىلىعىن قولدايتىندىقتارىن ايتىپ، ەكسترەميستىك جانە تەرروريستىك ارەكەتتەردەن باس تارتاتىندىقتارىن جاريالاعان. سونداي-اق ولار قاماۋدا بولعان ۋاقىتتا تارتىپسىزدىكتەرگە بوي الدىرماي، وزدەرىن جاقسى جاعىنان كورسەتتى»، - دەلىنگەن مينيسترلىكتىڭ حابارلاماسىندا.
ايتا كەتەيىك، 18- تامىز كۇنى ماروككو ازاماتى فينليانديانىڭ تۋركۋ قالاسىندا تەراكت ۇيىمداستىردى. وسى ارەكەت بويىنشا 5 ماروككولىق ۇستالعان بولاتىن.