شەتەل اسكەري وقۋ ورىندارىندا 400 قازاقستاندىق وقىپ ءجۇر
«بۇگىندە قازاقستانداعى اسكەري وقۋ ورىندارىندا ءبىلىم الىپ جاتقانداردىڭ سانى شامامەن 3 مىڭ ادامدى قۇرايدى. ءبىلىم الۋشىلاردىڭ سانى ق ر قارۋلى كۇشتەرىنىڭ قاجەتتىلىگىنە قاراي وزگەرتىلەدى» ، - دەلىنگەن مينيسترلىك مالىمەتىندە.
بۇدان بولەك، شەتەل اسكەري وقۋ ورىندارىندا وقىپ جاتقان قازاقستاندىقتاردىڭ سانى 400 ادامعا جۋىق، شامامەن 70 ادام بيىل ەلىمىزدىڭ قارۋلى كۇشتەرى ساپىندا قىزمەت اتقارۋى جوسپارلانىپ وتىر.
اتاپ ايتقاندا، بۇگىندە اسكەر ساپىندا قىزمەت ەتىپ جۇرگەن نازىك جاندىلاردىڭ قاتارى 8 مىڭنان اسقان ەكەن.
«1 - قىركۇيەكتەگى جاعداي بويىنشا قارۋلى كۇشتەردە 8275 اسكەري قىز- كەلىنشەك قىزمەت اتقارۋدا. ولاردىڭ 913 ى- وفيتسەر جانە 7362 سى كەلىسىمشارت بويىنشا اسكەري قىزمەتشى. ولاردىڭ بارلىعى جوعارى ءبىلىمدى، بەلسەندى شىعارماشىلىق جانە قوعامدىق ءومىر سالتىن ۇستاناتىن ءارى قازاقستاندىق ارميانىڭ دامۋىنا سەپتىگىن تيگىزىپ جۇرگەن جاندار» ، - دەپ اتاپ وتىلگەن ق ر قورعانىس مينيسترلىگى بۇقارالىق اقپارات قۇرالدارىمەن جۇمىس جونىندەگى دەپارتامەنتتىڭ مالىمەتىندە.