پاۆلوداردا كولىكتەن 400 مىڭ تەڭگەلىك زات ۇرلاعان جىگىت ۇستالدى - كەسكىن
21:12, 21 - شىلدە 2016
استانا. قازاقپارات - پاۆلوداردا قىلمىستىق پوليتسيا قىزمەتكەرلەرى كولىكتەردى تونادى دەگەن كۇدىكپەن 1994 -جىلعى جىگىتتى ۇستادى.
بۇل تۋرالى وبلىستىق ءى ءى د- نىڭ باسپا ءسوز قىزمەتى ءمالىم ەتتى، دەپ حابارلايدى pavlodarnews.kz.
«بارلىق قىلمىستى ول تۇنگى ۋاقىتتا جاساعان. مىسالى، تۇنگى ساعات 3.00 شاماسىندا اكادەميك شوكين كوشەسى بويىنداعى اۋلالاردىڭ بىرىنەن «ۆاز 2104» اۆتوكولىگىن توناپ، 10000 تەڭگەگە شىعىن كەلتىرگەن. ال، 7 -شىلدە كۇنى مولودوگۆاردەيتسەۆ كوشەسىندە ءدال سول ۋاقىتتا «Nissan Juke» كولىگىنە كىرىپ كەتىپ، 400 مىڭ تەڭگەلىك زاتتاردى قولدى ەتكەن. وسىلايشا 22 جاستاعى جىگىت سەگىز كولىكتى قاتارىنان توناعان. قازىردە ول ۋاقىتشا ۇستاۋ وقشاۋلاعىشىنا قامالدى، - دەپ جازىلعان حابارلامادا.
ايتا كەتەرلىگى، اتالمىش ءىس ق ر ق ك- نىڭ 188 بابى 2 ءبولىمى 2, 3 -تارماقتارى بويىنشا قارالۋدا.