تالدىقورعاندا 400 تال ەگىلدى
22:46, 18 - ناۋرىز 2015
استانا. قازاقپارات - ناۋرىز مەرەكەسى قارساڭىندا تالدىقورعان قالاسىنداعى «جاستار» پاركىندە 400 ءتۇپ اعاش كوشەتى وتىرعىزىلدى، دەپ حابارلادى zhetysu.gov.kz.
ونداعى كوشەتتەردىڭ نەگىزگى بولىگىن قاراعاي، تيان-شان شىرشاسى مەن كوك شىرشا اعاشتارى قۇرايدى. اتالعان شاراعا وبلىستىڭ بارلىق اۋدانى مەن قالالارىنان كەلگەن وكىلدەر ۇلەس قوستى.
الماتى وبلىسىنىڭ اكىمى اماندىق باتالوۆتىڭ ايتۋىنشا، بولاشاقتا «جاستار» پاركى قالا تۇرعىندارىنىڭ ەڭ سۇيىكتى دەمالىس ورىندارىنىڭ ءبىرى بولماق. اكىم جينالعان قاۋىمعا پاركتىڭ جوبا-جوسپارىن كورسەتتى.