قىتاي ساعاتىنا 4000 شاقىرىم جىلدامدىقپەن قاتىنايتىن پوەزد شىعارماق
30- تامىزدا قىتايدىڭ ۋحان قالاسىندا وتكەن كوممەرتسيالىق عارىش جونىندەگى 3-قىتاي حالىقارالىق فورۋمىندا CASIC ديرەكتورىنىڭ ورىنباسارى ليۋ شيكۋان «ۇشاتىن پوەزد» جوباسىن جاساپ جاتقاندىقتارىن حابارلادى.
ونىڭ سوزىنە قاراعاندا، بۇل جوبا ءداستۇرلى جوعارى جىلدامدىقتى كولىك قوزعالىسىن 10 ەسەگە جانە قولدانىستاعى ازاماتتىق ۇشاقتىڭ جىلدامدىعىن 5 ەسەگە دەيىن ارتتىرۋعا قاۋقارلى.
باعدارلاما 3 كەزەڭ بويىنشا ىسكە اسىرىلماق. ءبىرىنشى كەزەكتە 1000 ك م/ساع جىلدامدىقتا جۇرەتىن «ۇشاتىن پوەزدار» ءۇشىن وڭىرلىك قالاارالىق جەلى سالىنادى. ەكىنشى كەزەكتە 2000 ك م/س جىلدامدىقتا قاتىنايتىن پوەزدار ءۇشىن قىتايدىڭ ءىرى قالالارى اراسىندا كولىك جەلىسىنىڭ قۇرىلىسى جۇرگىزىلمەك. سوسىن بارىپ 4000 ك م/ساع جىلدامدىقپەن «ءبىر بەلدەۋ، ءبىر جول» بويىنداعى ەلدەردى جالعايتىن كولىك قۇرىلىسى باستالماق. ەرەكشە جوبانى ازىرلەۋگە 20 قىتاي جانە شەتەلدىك عىلىمي-زەرتتەۋ مەكەمەلەرى قاتىسۋدا ەكەن. وسى ماقساتتا ءتيىستى سالالارداعى 200 دەن اسا پاتەنت ساتىپ الانعان.