وسى كۇزدە جاڭادان شاقىرىلعانداردى انت قابىلداۋعا كەلتىرۋ قاراشانىڭ 14 ى مەن جەلتوقساننىڭ 6 سى ارالىعىندا ءوتتى. وسى ۋاقىت ىشىندە اسكەري انتتى «وڭتۇستىك»، «باتىس»، «شىعىس» وڭىرلىك قولباسشىلىقتارىنىڭ، اۋە قورعانىسى كۇشتەرىنىڭ، ارنايى اسكەرلەردىڭ، اسكەري پوليتسياسى باس باسقارماسىنىڭ اسكەري بولىمدەرىنىڭ، ارميا ورتالىق سپورت كلۋبى مەن بايلانىس باس باسقارماسىنىڭ شاقىرىلۋشىلارى قابىلدادى.
اعىمداعى شاقىرىلىمنىڭ سوڭعى ءراسىمى وتكەن اپتادا ءوتتى. ونىڭ ىشىندە، «شىعىس» وڭىرلىك قولباسشىلىعى اياگوز گارنيزونىنىڭ 10810 جانە 10181 اسكەري بولىمدەرىندە اسكەري انتقا 210 جاڭادان شاقىرىلۋشى، 27943 اسكەري بولىمىندە 250 جاس سارباز، «باتىس» وڭىرلىك قولباسشىلىعىنىڭ 25744 اسكەري بولىمىندە 260 شاقىرىلۋشى، 41433 اسكەري بولىمىندە 80 جاس سارباز كەلتىرىلدى.
وسىمەن شاقىرۋ مەن جاساقتاۋ تولىق كولەمدە اياقتالدى دەپ ەسەپتەلىنەدى. الايدا، شاقىرۋ كامپانياسى اياقتالعانىمەن، جاس ساربازداردىڭ اسكەري انت قابىلداۋى ساتىنەن باستاپ بارلىعى ەندى عانا باستالادى. الداعى ۋاقىتتا ولار وتان الدىنداعى ءبىر جىلعى بورىشىن وتكەرىپ، كۇردەلى اسكەري عىلىمدى مەڭگەرۋى قاجەت.
2015 -جىلدىڭ كۇزىندە قارۋلى كۇشتەردىڭ اسكەرلەرىنە اسكەري قىزمەتكە كەيىنگە شاقىرىلۋعا جانە شاقىرىلۋدان بوساتىلۋعا قۇقىعى جوق شاقىرىلىم جاسىنداعى 4000 عا جۋىق قازاقستاندىق شاقىرىلۋعا جاتقانىن ايتا كەتكەن ءجون. بوزبالالار ەلىمىزدىڭ بارلىق وڭىرلەرى مەن وبلىستارىنان شاقىرىلدى. جاساقتاۋ ەكساۋماقتىق قاعيدات بويىنشا جۇرگىزىلدى. جالپى العاندا، اعىمداعى جىل بويىنشا قازاقستاننىڭ قارۋلى كۇشتەرىندەگى شاقىرىلىم جوسپارى 0 عا ورىندالدى.
Baq.kz