- مەملەكەتتىك قولداۋعا مۇقتاج بارلىق وتباسىلارعا ماتەريالدىق جانە الەۋمەتتىك كومەك كورسەتىلۋگە ءتيىس. ول ءۇشىن جەرگىلىكتى بيۋدجەتتەردە قاجەتتى قاراجات كوزدەلگەن. بۇل 400 مىڭنان استام بالاعا قولداۋ كورسەتۋگە مۇمكىندىك بەرەدى. ءوڭىر اكىمدەرىنە كومەكتىڭ شىن مانىندە مۇقتاج جاندارعا بەرىلۋىن قامتاماسىز ەتىپ، ءاربىر ناقتى جاعداي بويىنشا ۋاقتىلى شارالار قابىلداۋدى تاپسىرامىن. بالالاردىڭ جان-جاقتى دامۋى مەن تابىستى ءبىلىم الۋى مەكتەپتەردەگى ساپالى ءارى دۇرىس تاماقتاندىرۋعا دا بايلانىستى. دەنساۋلىق ساقتاۋ مينيسترلىگى مەن ءوڭىر اكىمدىكتەرى ونىمدەردىڭ ساپاسى مەن سانيتاريالىق نورمالاردىڭ ساقتالۋىن تۇراقتى باقىلاۋعا السىن، - دەدى و. بەكتەنوۆ.
سونىمەن قاتار ۇكىمەت باسشىسى وقۋ جىلىنىڭ باستالۋىنا قاراي كوللەدجدەر مەن ۋنيۆەرسيتەتتەردىڭ ينفراقۇرىلىمىن، جاتاقحانالاردى جانە وقىتۋ باعدارلامالارىن تالاپقا ساي دايىنداۋدى قامتاماسىز ەتۋدى تاپسىردى.
- وقۋ-اعارتۋ، عىلىم جانە جوعارى ءبىلىم مينيسترلىكتەرى اكىمدىكتەرمەن بىرلەسىپ، تامىز ايىنىڭ سوڭىنا دەيىن وقۋ جىلىنىڭ باستالۋىنا تولىق دايىندىقتى قامتاماسىز ەتسىن، - دەدى مينيستر.