ب ۇ ۇ ساراپشىلارى: يراك پەن سيريانى مينادان تازالاۋعا 40-50 جىل كەتەدى
ب ۇ ۇ- نىڭ مينادان تازارتۋ قىزمەتىنىڭ ديرەكتورى اگنەس ماركايلۋدىڭ ايتۋىنشا، سوعىس شارپىعان ەكى ەلدى ەكىنشى دۇنيەجۇزىلىك سوعىستان كەيىنگى ەۋروپا سياقتى جاساۋ ءۇشىن ونداعان جىل ۋاقىت قاجەت. بۇل تۋرالى ول 4 - ساۋىردە حالىقارالىق مينا قاۋپىنەن حاباردار ەتۋ كۇنىنە وراي وتكەن باسپا ءسوز كونفەرەنسياسىندا ايتتى.
ماركايلۋ يراكتاعى «يسلام مەملەكەتى» ەكسترەميستىك ۇيىمىنان قايتارىپ الىنعان تەرريتوريالاردى مينا، قارۋ- جاراق پەن جارىلعىش زاتتاردان تازارتۋ ءۇشىن جىلىنا 180 ميلليون دوللار، ونىڭ ىشىندە تەك موسۋل قالاسىنىڭ وزىندە وسىنداي جۇمىستار جۇرگىزۋگە جىلىنا 50 ميلليون دوللار جۇمساۋ كەرەك دەگەن بولجامىن ايتتى.
«ەكىنشى دۇنيەجۇزىلىك سوعىستان كەيىن فرانسۋزدار، نەمىستەر مەن بريتاندىقتاردىڭ ءوز جەرىن ءوزى تازالاعانى سياقتى يراك ۇكىمەتىنە دە ءوز پروبلەماسىمەن ءوزىنىڭ اينالىسۋىنا مۇمكىندىك بەرۋ قاجەت» دەدى ماركايلۋ. ول سونىمەن قاتار سيريا تەرريتورياسىن قايتادان قاۋىپسىز ەتۋ ءۇشىن «وراسان زور كۇش قاجەتىن»، ءبىراق ونىڭ قارجى تابىلعاندا عانا جۇزەگە اساتىنىن ايتتى.
http://www.azattyq.org