ءورت تۇتانۋ قاۋپى، 40 گرادۋس ىستىق: 15 وڭىردە ەسكەرتۋ جاريالاندى
اتاپ ايتقاندا، استانا قالاسىندا ءورت تۇتانۋدىڭ جوعارى قاۋپى ساقتالادى.
جەتىسۋ وبلىسىنىڭ وڭتۇستىگىندە، ورتالىعى مەن تاۋلى اۋداندارىندا نايزاعاي كۇتىلەدى. وڭتۇستىك- باتىستان جەل سوعادى نايزاعاي كەزىندە ەكپىنى 15-20 م/س قۇرايدى. الاكول كولدەرى اۋدانىندا جىلدامدىعى 18-23 م/س جەتەدى. ءوڭىردىڭ باسىم بولىگىندە ءورت تۇتانۋدىڭ توتەنشە قاۋپى ساقتالادى.
الماتى وبلىسىنىڭ سولتۇستىگى مەن باتىسىندا توتەنشە ءورت قاۋپى ساقتالادى.
كۇندىز ۇلىتاۋ وبلىسىنىڭ باسىم بولىگىندە نايزاعاي ويناپ، وبلىستىڭ سولتۇستىگىندە بۇرشاق جاۋادى. كۇندىز ورتالىق اۋماقتاردا 15-20 م/س كۇشپەن جەل سوعادى. سولتۇستىكتە ءورت تۇتانۋدىڭ توتەنشە قاۋپى ساقتالادى.
تاڭەرتەڭ ماڭعىستاۋ وبلىسىنىڭ باتىسىندا تۇمان كۇتىلەدى. كۇندىز وبلىستىڭ باسىم بولىگىندە 38-40 گرادۋس قاتتى ىستىق جانە توتەنشە ءورت قاۋپى ساقتالادى.
تۇندە قاراعاندى وبلىسىنىڭ ورتالىعى مەن وڭتۇستىگىندە، كۇندىز سولتۇستىگى مەن ورتالىعىندا نايزاعاي ويناپ، بۇرشاق تۇسەدى. كۇندىز نايزاعاي كەزىندە جەلدىڭ ەكپىنى 15-20 م/س قۇرايدى. ءوڭىردىڭ وڭتۇستىگىندە توتەنشە ءورت قاۋپى ساقتالادى.
تۇندە تۇركىستان وبلىسىنىڭ تاۋلى اۋداندارىندا نايزاعاي بولجانادى. وڭتۇستىك- باتىستان، باتىستان جەل سوعادى، ءوڭىردىڭ تاۋلى اۋداندارىندا كۇشى 15-20 م/س قۇرايدى. سولتۇستىك، باتىس جانە ءشولدى اۋدانداردا توتەنشە ءورت قاۋىپى ساقتالادى.
كۇندىز باتىس قازاقستان وبلىسىنىڭ وڭتۇستىك- باتىسىندا 37 گرادۋس قاتتى ىستىق كۇتىلەدى. ءوڭىردىڭ باسىم بولىگىندە ءورت تۇتانۋ قاۋپى جوعارى بولادى.
كۇندىز اباي وبلىسىنىڭ وڭتۇستىك بولىگىندە كەي ۋاقىتتاردا قاتتى جاڭبىر جاۋادى. سونداي- اق نايزاعاي، بۇرشاق، داۋىل كۇتىلەدى. نايزاعاي كەزىندە جەلدىڭ ەكپىنى 15-20 م/س قۇرايدى. ءورت تۇتانۋدىڭ اسا جوعارى قاۋپى ساقتالادى.
كۇندىز شىعىس قازاقستان وبلىسىنىڭ شىعىسىندا، وڭتۇستىگى مەن ورتالىعىندا كەي ۋاقىتتا قاتتى جاڭبىر كۇتىلەدى. سونداي- اق نايزاعاي، بۇرشاق، داۋىل بولجانادى. كۇندىز نايزاعاي كەزىندە جەلدىڭ ەكپىنى 15-20 م/س قۇرايدى. ءورت شىعۋ قاۋپى اسا جوعارى.
تاڭەرتەڭ جانە كۇندىز اقمولا وبلىسىنىڭ باتىسىندا قاتتى جاڭبىر جاۋىپ، وبلىستىڭ وڭتۇستىگى مەن باتىسىندا نايزاعاي، بۇرشاق كۇتىلەدى. شىعىستان، سولتۇستىك- شىعىستان جەل سوعادى، نايزاعاي كەزىندە ەكپىنى 15-20 م/س قۇرايدى. ءورت تۇتانۋ قاۋپى اسا جوعارى.
اقتوبە وبلىسىنىڭ سولتۇستىگى مەن شىعىسىندا نايزاعاي ويناپ، نايزاعاي كەزىندە 15-20 م/س ەكپىندە جەل تۇرادى. كۇندىز وبلىستىڭ وڭتۇستىگىندە 35 گرادۋس قاتتى ىستىق كۇتىلەدى. ءوڭىردىڭ وڭتۇستىگى مەن ورتالىعىندا توتەنشە ءورت قاۋپى ساقتالادى.
9-11-تامىز كۇندەرى قىزىلوردا وبلىسىنىڭ باسىم بولىگىندە ءورت تۇتانۋ قاۋپى اسا جوعارى بولادى.
سولتۇستىك قازاقستان وبلىسىنىڭ باسىم بولىگىندە جوعارى ءورت قاۋپى ساقتالادى.
پاۆلودار وبلىسىنىڭ وڭتۇستىگى مەن شىعىسىندا ءورت شىعۋ قاۋپى جوعارى.