4 ميلليارد دوللارلىق كەلىسىم: دونالد ترامپ قاسىم-جومارت توقايەۆتى قۇتتىقتادى
استانا. KAZINFORM - ا ق ش پرەزيدەنتى دونالد ترامپ قازاقستاننىڭ مەملەكەت باسشىسىن تاريحي كەلىسىممەن قۇتتىقتادى. بۇل تۋرالى دونالد ترامپ Truth Social الەۋمەتتىك جەلىسىندە جازدى.
- مەن قازاقستان رەسپۋبليكاسىنىڭ اسا قۇرمەتتى پرەزيدەنتى قاسىم-جومارت كەمەل ۇلى توقايەۆپەن تاماشا اڭگىمەنى جاڭا عانا اياقتادىم. ولار تەمىرجول جابدىقتارىن ساتىپ الۋ بويىنشا تاريحتاعى ەڭ ءىرى كەلىسىمگە - 4 ميلليارد ا ق ش دوللارىنا امەريكالىق لوكوموتيۆتەر مەن تەمىرجول جابدىقتارىن ساتىپ الۋ تۋرالى كەلىسىمگە قول قويدى. ءبىز ا ق ش- تاعى تەمىرجول سالاسىن قولداۋىمىز قاجەت، ويتكەنى ول كوپتەگەن جىل بويى «جالعان ەكولوگتاردىڭ» شابۋىلىنا ۇشىراپ كەلەدى، - دەپ جازدى ترامپ.
ا ق ش كوشباسشىسى قاسىم-جومارت توقايەۆقا قۇتتىقتاۋىن جولدادى.
- پرەزيدەنت توقايەۆتى وسى ءىرى ساتىپ الۋمەن شىن جۇرەكتەن قۇتتىقتايمىن. بۇل ەل دە، بۇكىل الەم دە سەنىمدى ءارى كوركەم تەمىرجولدار نەگىزىندە وركەندەگەن. ەندى ولار قايتا ورالۋدا - تەز قارقىنمەن! - دەپ تۇيىندەدى ا ق ش پرەزيدەنتى.
ايتا كەتەيىك، بۇعان دەيىن نيۋ-يورك قالاسىنا ساپارى بارىسىندا قاسىم-جومارت توقايەۆ دونالد ترامپپەن سويلەسكەنى حابارلاندى.