مەملەكەتتىك اۋديت 4,5 ميلليارد تەڭگەنى يگەرۋدە كەتكەن كەمشىلىكتەردى انىقتادى

بۇل تۋرالى ق ر قارجى ءمينيسترى ەرۇلان جاماۋبايەۆ ايتتى، دەپ حابارلايدى قازاقپارات ءتىلشىسى.

«بيىلعى 2 ايدا 3,4 تريلليون تەڭگە سوماسىنا 135,5 مىڭعا جۋىق مەملەكەتتىك ساتىپ الۋ ءراسىمى كامەرالدىق باقىلاۋمەن قامتىلدى. تەكسەرۋ قورىتىندىسى بويىنشا 13943 راسىمدە بۇزۋشىلىقتار انىقتالدى، ونىڭ ىشىندە مەملەكەتتىك اۋديت وبەكتىلەرى بۇزۋشىلىقتاردى جويۋ تۋرالى حابارلامالاردىڭ … ىن ورىندادى، 332 اۋديتورلىق ءىس-شارا وتكىزىلدى»، - دەدى Û•. جاماۋبايەۆ ۇكىمەتتىڭ بۇگىنگى وتىرىسىندا.

ءمينيستردىڭ ايتۋىنشا، شامامەن 169 ميلليارد تەڭگە بيۋدجەت قاراجاتى اۋديتپەن قامتىلىپ، 4,5 ميلليارد تەڭگەگە جۋىق قارجىلىق بۇزۋشىلىقتار انىقتالعان.

«تاۋار جەتكىزۋ، قىزمەت كورسەتۋ جانە جۇمىستى ورىنداۋ، بيۋدجەتكە وتەۋ جانە ەسەپتە كورسەتۋ جولىمەن 1,2 ميلليارد تەڭگەگە بۇزۋشىلىقتار جويىلدى. اۋديت وبەكتىلەرى قىزمەتىن جەتىلدىرۋ جانە تيىمدىلىگىن ارتتىرۋ ءۇشىن 332 ۇسىنىم بەرىلدى»، - دەدى ەرۇلان جاماۋبايەۆ.

بۇعان دەيىن قارجى ءمينيسترى قاڭتار-اقپان ايلارىندا مەملەكەتتىك بيۋدجەتكە 3,4 تريلليون تەڭگە تۇسكەنىن، بيۋدجەتتىڭ 101 ميلليارد تەڭگەسى يگەرىلمەي قالعانىن ايتقان ەدى.