بۇل كورسەتكىش 2017-جىلمەن سالىستىرعاندا 6 پايىزعا كوپ، دەپ حابارلايدى قازاقپارات ءتىلشىسى اۋەجاي باسپا ءسوز قىزمەتىنە سىلتەمە جاساپ.
2018-جىلى ۆيلنيۋس، تيۋمەن چەليابينسك، سوچي جانە دۋشانبە سەكىلدى جاڭا حالىقارالىق باعىتتاردىڭ اشىلۋىنا بايلانىستى اۋەجاي حالىقارالىق باعىت بويىنشا 1,8 ميلليونعا جۋىق جولاۋشىعا قىزمەت كورسەتكەن.
ىشكى باعىتتاعى جولاۋشىلار كولەمى دە ارتىپ، وسى ۋاقىت ىشىندە 2,7 ميلليوننان اسا جولاۋشى اۋەجاي قىزمەتىنە جۇگىنگەن.
ىشكى باعىتتاعى تانىمال باعدارلار: الماتى، شىمكەنت جانە اتىراۋ قالالارى. سونداي-اق، 2018-جىلى استانا اۋەجايىنان 30 مىڭنان اسا ۇشاق ۇشۋ ساپارلارىن ورىنداعان.