دوللار بىردەن 4,5 تەڭگەگە قىمباتتادى
12:00, 02 - تامىز 2017
استانا. قازاقپارات - دوللار بۇگىن، 2 -تامىزدا 4,5 تەڭگەگە قىمباتتادى.
KASE تاڭەرتەڭگىلىك سەسسياسىنىڭ قورىتىندىسى بويىنشا ا ق ش دوللارىنىڭ ورتاشا سارالانعان باعامى ءبىر دوللارعا 334,53 (+4,46 تەڭگە) تەڭگەنى، ال ساۋدا- ساتتىق كولەمى - 217700 مىڭ USD (+185 400 مىڭ USD) قۇرادى.
ساۋدا-ساتتىققا KASE ۆاليۋتالىق نارىعىنىڭ 29 مۇشەسى قاتىستى، دەپ حابارلادى بيرجانىڭ باسپا ءسوز قىزمەتى. ەسەپتەسۋى ت+1 تەڭگەمەن ا ق ش دوللارى بويىنشا مامىلەلەر جاسالعان جوق. سەسسيا جابىلار ساتتە باعا بەلگىلەۋلەر بولعان جوق. ەسەپتەسۋى تەڭگەمەن جانە ا ق ش دوللارىمەن ەۋرو بويىنشا مامىلەلەر جاسالعان جوق. سەسسيا جابىلار ساتتە باعا بەلگىلەۋلەر بولعان جوق. ەسەپتەسۋى ت+0 تەڭگەمەن قىتاي يۋانىنىڭ ورتاشا سارالانعان باعامى ءبىر يۋانعا 49,7066 تەڭگەنى (+0,7583 تەڭگە) قۇرادى، ساۋدا- ساتتىق كولەمى - 500 مىڭ يۋان (+200 مىڭ يۋان) بولدى.