ارزان كولىك العىسى كەلگەن سەمەي تۇرعىنى الاياق ايەلگە 4,2 ميلليون تەڭگە بەرگەن
09:22, 15 - ناۋرىز 2022
سەمەي. قازاقپارات - سەمەي قالاسىندا الاياققا الدانعان ازامات 4,2 ميلليون تەڭگە شىعىنعا باتتى، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارىنا 38 جاستاعى سەمەيلىك جۇگىنگەن. ءوز سوزىندە ول بەيتانىس ايەلدىڭ اۋكسيون ارقىلى «Hyundai Tucson» ماركالى اۆتوكولىكتى ساتىپ الۋعا كومەكتەسەمىن دەپ 4200000 تەڭگە سۇراعانىن ايتتى. الايدا اقشا قولىنا تيىسىمەن الاياق ەش حابارسىز كەتكەن.
«جەدەل- ىزدەستىرۋ شارالارىن جۇرگىزگەن پوليتسيا قىزمەتكەرلەرى كۇدىكتىنى قولعا ءتۇسىردى. وسكەمەن قالاسىنىڭ 35 جاستاعى جۇمىسسىز تۇرعىنى ءوز كىناسىن مويىنداپ وتىر. ايەل سول اقشاعا ءوز ءۇيىن جوندەپ، جاڭا جيھاز ساتىپ العان»، - دەپ حابارلادى ۆەدومستۆو وكىلدەرى.
قازىرگى ۋاقىتتا اتالعان فاكتى بويىنشا ق ر ق ك- ءنىڭ 190-بابى 3-بولىگىنە (الاياقتىق) سايكەس سوتقا دەيىنگى تەرگەۋ امالدارى جۇرگىزىلۋدە.