الداعى 4 جىلدا ەلوردادا 20 عا جۋىق اۋرۋحانالار مەن ەمحانالار سالىنادى

استانا. قازاقپارات - دەنساۋلىق ساقتاۋ مينيسترلىگىنىڭ ۇسىنىسى نەگىزىندە 2027 -جىلعا دەيىن استانادا بىرنەشە مەديتسينالىق ۇيىم سالىنادى.

بۇل تۋرالى اشىق ن ق ا پورتالىندا جاريالانعان «2023-2027 -جىلدارعا ارنالعان ەلوردانىڭ دەنساۋلىق ساقتاۋ جۇيەسىن دامىتۋدىڭ كەشەندى جوسپارىندا» جازىلعان، دەپ حابارلايدى قازاقپارات ءتىلشىسى.

قۇجاتتا جازىلعانداي، الداعى 4 جىلدا استانا اۋماعىندا مىنا مەديتسينا ۇيىمدارىن سالۋ جوسپارلانعان:

- ينتەرناتسيونالنىي تۇرعىن الابىندا 150 كەلۋشىگە ارنالعان مەديتسينالىق- سانيتاريالىق العاشقى كومەك كورسەتەتىن وبەكتى سالىنادى - 2025 -جىل؛

- ءوندىرىس اۋدانىندا 250 ادام قابىلدايتىن امبۋلاتوريالىق- ەمحانالىق كەشەنى سالىنادى - 2025 -جىل؛

- «نۇرلى جول» تەمىرجول ۆوكزالى اۋدانىندا اۋىسىمىنا 500 ادام قابىلدايتىن امبۋلاتوريالىق- ەمحانالىق كەشەنى پايدالانۋعا بەرىلەدى - 2023 -جىل؛

- «پريگورودنىي» تۇرعىن ءۇي الابىندا ءبىر اۋىسىمدا 150 ادام قابىلدايتىن مەديتسينالىق- سانيتاريالىق العاشقى كومەك ورتالىعىنىڭ قۇرىلىسى - 2027 -جىل؛

- «تەلمان» تۇرعىن ءۇي الابىندا ءبىر اۋسىمدا 500 ادام قابىلدايتىن امبۋلاتوريالىق- ەمحانالىق كەشەنى پايدالانۋعا بەرىلەدى - 2023 -جىل؛

- «Capital park» تۇرعىن ءۇي كەشەنى اۋدانىندا ءبىر اۋىسىمدا 500 ادام قابىلدايتىن امبۋلاتوريالىق- ەمحانالىق كەشەنى سالىنادى - 2025 -جىل؛

- جاعالاۋ-3 شاعىناۋدانى اۋماعىندا ءبىر اۋىسىمدا 250 ادام قابىلدايتىن امبۋلاتوريالىق- ەمحانالىق كەشەنى سالىنادى - 2025 -جىل؛

- «ەسىل» اۋدانىندا قازانعا 70 جىل، سىعاناق/الماتى جانە اقمەشىت/ساۋران كوشەسى بويىندا ءبىر اۋىسىمدا 500 ادام قابىلدايتىن امبۋلاتوريالىق- ەمحانالىق كەشەنى سالىنادى - 2027 -جىل؛

- بەيبارىس سۇلتان كوشەسى بويىنداعى «سارىارقا» اۋدانىندا ءبىر اۋىسىمدا 150 ادام قابىلدايتىن امبۋلاتوريالىق- ەمحانالىق كەشەنى سالىنادى - 2023 -جىل؛

- جىلىنا 1500 اۋتوپسياعا جانە 500000 بيوپسيالىق، وپەراتسيالىق ماتەريالدى زەرتتەۋگە ارنالعان پاتولوگيالىق-اناتوميالىق بيۋرو پايدالانۋعا بەرىلەدى - 2023 -جىل؛

- ۇلتتىق عىلىمي ونكولوگيالىق ورتالىعى سالىنادى - 2023 -جىل؛

- ۇلتتىق شۇعىل مەديتسينانى ۇيلەستىرۋ ورتالىعى سالىنادى - 2023 -جىل؛

- اقان سەرى جانە ەڭلىك- كەبەك كوشەلەرىنىڭ قيىلىسىندا 300 توسەكتىك № 3-كوپبەيىندى قالالىق اۋرۋحانا سالىنادى - 2026 -جىل؛

- ابىلاي حان داڭعىلى مەن قوبدا تۇيىق كوشەسىنىڭ قيىلىسىندا پەريناتالدىق ورتالىق سالىنادى - 2027 -جىل؛

- سارىارقا اۋدانىندا ش. قوسشىعۇل ۇلى كوشەسىندە 200 توسەكتىك اكۋشەرلىك بلوك سالىنادى - 2027 -جىل؛

- №2-قالالىق كوپبەيىندى اۋرۋحانانىڭ اكۋشەرلىك جانە نەگىزگى بلوكتارى اراسىندا قابىلداۋ- دياگنوستيكالىق كەشەنى سالىنادى - 2026 -جىلعى جەلتوقسان؛

- «ەسىل» جانە «نۇرا» اۋداندارىنىڭ شەكاراسىندا وڭالتۋ بلوگى بار 350 توسەكتىك №4 -كوپبەيىندى قالالىق بالالار اۋرۋحاناسى سالىنادى - 2027 -جىل.

كەشەندى جوسپاردى ورىنداۋ ءۇشىن 611 ميلليارد تەڭگە باعىتتالماق.

قۇجات 14-قىركۇيەككە دەيىن كوپشىلىك تالقىلاۋدا بولادى.