بۇل تۋرالى ق ر ەڭبەك مينيسترلىگى ەڭبەك جانە الەۋمەتتىك ارىپتەستىك دەپارتامەنتىنىڭ باسشىسى شالقار ورازبەكوۆ ايتتى، - دەپ حابارلايدى Massaget.kz ءتىلشىسى.
ونىڭ ايتۋىنشا، قازاقستاندا ءتورت كۇندىك جۇمىس اپتاسى تۋرالى نورما 2015-جىلدان باستاپ بار. الايدا جاقىندا مينيسترلىككە ءتورت جانە بەس كۇندىك جۇمىس اپتالارىنىڭ اۋىسۋىن زاڭنامالىق تۇردە بەكىتۋ تۋرالى وتىنىشتەر تۇسكەن.
جۇمىس اپتاسىنىڭ مىندەتتى ۇزاقتىعى 40 ساعات بولادى. مۇگەدەكتىگى بار ادامداردى قوسا العاندا، ازاماتتاردىڭ جەكەلەگەن ساناتتارىنا نورما 36 ساعات.
«ءتورت كۇندىك جۇمىس اپتاسىنا سايكەس، قالعان جۇمىس ساعاتتارى ءتورت كۇنگە قوسىلادى، ياعني 8 ساعاتتىڭ ورنىنا 10 ساعات جۇمىس ىستەيتىن بولادى»، - دەدى ول.
ءتورت كۇندىك جانە بەس كۇندىك اپتاسىندا ءبىرىڭعاي دەمالىس جەكسەنبى بولادى. قالعان دەمالىس كۇندەرىن كەز كەلگەن باسقا كۇندەرگە بەلگىلەۋگە بولادى. مينيسترلىك وكىلىنىڭ ايتۋىنشا، ءتورت كۇندىك جۇمىس اپتاسى دەمالىس پەن مەرەكە كۇندەرىنە اسەر ەتپەيدى.