ب ق و-دا جوعالعان 3 جاسار قىزدى ءيىسشىل ءيت تاۋىپ بەردى
اۋىل تۇرعىنى جانىبەك اۋدانىنىڭ ۇزىنكول اۋىلىنا قوناققا بارا جاتىپ، جولشىباي مىنگەن اۆتوكولىكتەن قىزى ەكەۋى ءتۇسىپ قالعان.
Polisia.kz-تىڭ جازۋىنشا، قاراڭعى تۇسكەن ۋاقىتتا ايەل قىزىمەن كەلە جاتىپ، كەنەت قىزىنان كوز جازىپ قالعان. بويىن ۇرەي بيلەپ، بىردەن جان-جاعىن ىزدەپ قاراي باستايدى، ءبىراق ناتيجە بولماعان سوڭ پوليتسيا قىزمەتكەرلەرىنە حابارلاسقان. كىشكەنتاي ءبۇلدىرشىندى ىزدەۋگە پوليتسيا ءبولىمىنىڭ بارلىق جەكە قۇرامى جۇمىلدىرىلىپ، ىزدەۋ جۇمىستارى تۇنىمەن جۇرگىزىلدى. ىزدەۋ ءىس-شاراسىنا 200 دەن استام پوليتسيا قىزمەتكەرى قاتىسىپ، سونىڭ ىشىندە شەكارا، توتەنشە جاعدايلار قىزمەتى، اكىمدىك جانە جەرگىلىكتى اۋىل تۇرعىندارى، بارلىق اۋدان قىزمەتتەرى اتسالىسقان.
ىزدەۋ سالىنعان ايارۋ تاڭعى 04:00-دە شەكارا قىزمەتىنىڭ كينولوگ يتتەرىنىڭ كومەگىمەن تابىلعان.
قىز امان-ساۋ اۋداندىق اۋرۋحاناعا جەتكىزىلدى. قازىرگى ۋاقىتتا ءبۇلدىرشىننىڭ ءومىرى مەن دەنساۋلىعىنا ەش قاۋىپ ءتونىپ تۇرعان جوق.