قىتايدا ءبىر تاۋلىكتە 3 رەت جەر سىلكىندى

الماتى. قازاقپارات - قازاقستان رەسپۋبليكاسى توتەنشە جاعدايلار مينيسترلىگىنىڭ سەيسميكالىق ستانسالار جەلىسى 29- تامىز كۇنى الماتى ۋاقىتى بويىنشا ساعات 15:30 دا جەر سىلكىنىسىن تىركەدى، دەپ حابارلايدى قازاقپارات.

«ءزىلزالا وشاعى الماتىدان وڭتۇستىك-شىعىسقا قاراي 606 كيلومەتر قاشىقتىقتا قىتاي اۋماعىندا بولعان. ءزىلزالانىڭ ەنەرگەتيكالىق كلاسى 11.0. ماگنيتۋداسى 4.9. MPV. تەرەڭدىگى 15 كيلومەتر. سەزىلۋى تۋرالى اقپارات جوق»، - دەلىنگەن حابارلامادا.

بۇعان دەيىن حابارلانعانداي، قازاقستاندىق سەيسمولوگتار الماتىدان وڭتۇستىككە قاراي 426 كيلومەتر قاشىقتىقتا قىتاي اۋماعىندا جەر سىلكىنىسىن تىركەدى. سونداي-اق، تاڭەرتەڭ قىتاي اۋماعىندا 4.7. MPV ماگنيتۋدالى ءزىلزالا بولعان ەدى.