الماتى - ەكاتەرينبۋرگ تاسجولىندا كولىك اۋدارىلىپ، 3 ادام قازا تاپتى
10:53, 21 - تامىز 2023
استانا. قازاقپارات - 20-تامىز كۇنى ساعات 19:45 شاماسىندا الماتى - ەكاكتەرينبۋرگ تاس جولىنىڭ 770-شاقىرىمىندا 47 جاستاعى Lexus LX470 جۇرگىزۋشىسى كولىكتىڭ باسقارۋىنا يە بولا الماي قالىپ اۋدارىلىپ قالدى، دەپ حابارلايدى قازاقپارات.
Polisia.kz سايتىنىڭ حابارلاۋىنشا، وقيعانىڭ سالدارىنان 46 جاستاعى كولىكتىڭ جولاۋشىسى وقيعا ورىنىندا قازا تاپتى. ال كولىكتىڭ جۇرگىزۋشىسى جانە 35 جاستاعى جولاۋشى جەدەل جاردەم كولىگىندە قازا تاپتى. سونداي-اق ەكى جولاۋشى اۋرۋحاناعا جەتكىزىلدى.
دەرەك پوليتسيادا تىركەلدى. ءتيىستى ساراپتامالار تاعايىندالىپ، تەرگەۋ امالدارى جۇرگىزىلۋدە.
پوليتسيا كولىك جۇرگىزۋشىلەردەن جىلدامدىقتى شەكتەن تىس اسىرماي، جول جۇرگەندە دەمالىس رەجيمىن ساقتاپ، جول ءجۇرۋ ەرەجەلەرىنە قاتاڭ باعىنۋعا شاقىرادى.