اسحاناسى جوق مەكتەپتەردە تاماقتاندىرۋدىڭ 3 ءتاسىلى ۇيىمداستىرىلادى

استانا. قازاقپارات - اسحاناسى جوق مەكتەپتەردىڭ ماسەلەسى قالاي شەشىلمەك؟ بۇل ساۋالعا وقۋ- اعارتۋ ءمينيسترى عاني بەيسەمبايەۆ جاۋاپ بەردى، دەپ حابارلايدى قازاقپارات ءتىلشىسى.

«پرەزيدەنتتىڭ 1-4-سىنىپ وقۋشىلارىن تەگىن تاماقپەن قامتاماسىز ەتۋگە قاتىستى تاپسىرماسىن ورىنداۋ ماسەلەسى ۇكىمەت دەڭگەيىندە بىرنەشە رەت قارالدى. بۇگىنگى كۇنى وسى تاپسىرمانى ورىنداۋ ءۇشىن بارلىق ءوڭىردىڭ اكىمدىكتەرى تاراپىنان قاجەتتى قارجى ءبولىندى. 1-قىركۇيەكتەن باستاپ 1 ميلليون 400 مىڭ باستاۋىش سىنىپ وقۋشىسى تەگىن تاماقتانادى. ءسىزدىڭ تاپسىرماڭىزعا سايكەس اسحاناسى جوق مەكتەپتەردە (669 مەكتەپ) دەنساۋلىق ساقتاۋ مينيسترلىگىمەن بىرلەسىپ تاماقتاندىرۋدىڭ 3 ءتاسىلى ۇيىمداستىرىلادى. اتاپ ايتقاندا، كەيتەرينگ قىزمەتىن ۇيىمداستىرۋ، مودۋلدى اسحانالاردى قۇرۋ، بۋفەتتىك تاماقتانۋ»، - دەدى عاني بەيسەمبايەۆ ۇكىمەت وتىرىسىندا.

ءمينيستردىڭ مالىمەتىنشە، 1-قىركۇيەكتەن باستاپ از قامتىلعان وتباسىدان شىققان 97 مىڭنان استام بالاباقشاعا باراتىن بالا تەگىن تاماقپەن قامتاماسىز ەتىلەدى.

«مەملەكەت باسشىسى تاربيەشىلەردىڭ ەڭبەكاقىسىن ارتتىرۋدى تاپسىرعان بولاتىن. بيىل 1-قىركۇيەكتەن باستاپ تاربيەشىلەردىڭ ەڭبەكاقىسى 0 عا كوتەرىلەدى. بۇدان باسقا، مەكتەپكە دەيىنگى ۇيىمداردا ورىنداردىڭ ءبولىنۋىن اشىق جۇرگىزۋ ءۇشىن جىل سوڭىنا دەيىن بالالاردى كەزەككە قويۋدى ەسەپكە الۋدىڭ ءبىرىڭعاي بازاسى ازىرلەنىپ جاتىر. ونى تولىقتاي ىسكە قوسۋ جىلدىڭ سوڭىنا دەيىن جوسپارلانىپ وتىر»، - دەيدى ول.