ب ا ق جانە تىلشىلەردى سوتقا بەرۋ مەرزىمى 3 جىلعا دەيىن قىسقارادى

استانا. قازاقپارات - ەلىمىزدە «ماسس-مەديا» تۋرالى جاڭا زاڭ ازىرلەندى. ونداعى جاڭاشىلدىقتار تۋرالى اقپارات جانە قوعامدىق دامۋ ۆيتسە-ءمينيسترى قانات ىسقاقوۆ ايتىپ بەردى، دەپ حابارلايدى قازاقپارات ءتىلشىسى.

«ب ا ق تۋرالى زاڭ 1999-جىلى قابىلداندى. ءبىز جاڭا زاڭناما جوباسىن ازىرلەدىك. زاڭدى ازىرلەۋ ءۇشىن ارنايى جۇمىس توبى قۇرىلدى، ونىڭ اياسىندا 20 وتىرىس ءوتتى. ونىڭ قۇرامىندا مەملەكەتتىك قۇزىرلى ورگاندار جانە ۇكىمەتتىك ەمەس ۇيىم وكىلدەرى بار. زاڭ جوباسى اشىق تۇردە، قوعامنىڭ پىكىرىن ەسكەرە وتىرىپ ازىرلەندى»، - دەدى قانات ىسقاقوۆ ماجىلىستە «ماسس-مەديا» تۋرالى زاڭ جوباسىن تالقىلاۋ بارىسىندا.

ۆيتسە-ءمينيستردىڭ ايتۋىنشا، زاڭ جوباسىندا بىرنەشە باعىت قامتىلعان.

«الدىمەن ب ا ق وكىلدەرىنىڭ مارتەبەسى. ماقسات - وتاندىق ب ا ق- تىڭ ابىروي، مارتەبەسىن كوتەرۋ. ەڭ الدىمەن شەكتەۋ مەرزىمىن بەلگىلەۋ. سەبەبى قازىر شەكتەۋ مەرزىمى جوق. باسقاشا ايتقاندا، ءبىزدىڭ ازاماتتاردىڭ 10، 20، 30 جىلدان كەيىن دە ب ا ق وكىلدەرىن سوتقا بەرۋگە قۇقىعى بار. ەندى بۇل نورما 3 جىلعا دەيىن قىسقارادى. اتالعان نورما ب ا ق جۇمىسىنىڭ ىلگەرىلەي تۇسۋىنە سەپتىگىن تيگىزەرى ءسوزسىز. كەلەسى باعىت – ب ا ق وكىلدەرى جولدايتىن ساۋالداردىڭ قارالۋ ۋاقىتى. ناقتى ايتقاندا، 7 جۇمىس كۇنىنەن 5 كۇنگە دەيىن قىسقارتۋ. بۇل وزگەرىس تىلشىلەردىڭ قىسقا مەرزىم ىشىندە اقپاراتقا قول جەتكىزۋىنە مۇمكىندىك بەرەدى. ال وقىرمان شۇعىل اقپاراتتى ۋاقىتىلى الا الادى»، - دەيدى ءمينيستردىڭ ورىنباسارى.