الماتىنىڭ باس جوسپارىن قوعامدىق تالقىلاۋ بارىسىندا ازىرلەۋشىلەر قالا حالقىنىڭ ءوسۋى بويىنشا بولجام تۋرالى ايتتى. ساۋلەتشىلەردىڭ ايتۋىنشا، قالا حالقى كەلۋشىلەر ەسەبىنەن 60 پايىزعا، ال تۋۋ كورسەتكىشى ەسەبىنەن 40 پايىز.
«ءبىز 2014 -جىلى حالىق كەلۋشىلەر ەسەبىنەن 134 مىڭ ادامعا ارتقانىن كورىپ وتىرمىز. بۇل قالاعا 22 مىڭ گەكتار جەر كەسىلگەن كەزدە بولدى. ءارى قاراي، جالپى حالىقتىڭ ءوسۋ قارقىنى بىركەلكى بولدى. ءبىز، نەگىزىنەن، ۇسىنىلاتىن بولجامدى حالىق سانى تابيعي ءوسىم ەسەبىنەن ارتادى دەپ بولجاپ وتىرمىز. مەحانيكالىق ءوسۋ (كەلۋشىلەر ەسەبى - ەسك.) ازداپ تومەندەيدى. تابيعي ءوسىم 2021 -جىلعى 47 پايىزدان 2050 -جىلعا قاراي 60 پايىزعا دەيىن ارتادى»، - دەدى باس جوسپاردى جاساۋشى تامارا زالوگينا.
باس جوسپاردى ازىرلەۋشىلەردىڭ بولجامى بويىنشا، 2030 -جىلعا قاراي قالا حالقىنىڭ سانى 2,5 ميلليون ادام بولادى، 2040 -جىلعا قاراي ول 3 ميلليون ادامعا جانە 2050 -جىلى 3,6 ميلليون ادامعا جەتەدى.
قالانىڭ ءوسىپ كەلە جاتقان تۇرعىندارىن تۇرعىن ۇيمەن قامتاماسىز ەتۋ ءۇشىن جاڭا تۇرعىن ءۇي قۇرىلىسىنىڭ كولەمى 2040 -جىلعا دەيىن 45,6 ميلليون شارشى مەتر تۇرعىن ءۇي بولۋى ءتيىس. جاڭا قۇرىلىس الاڭى 5756 گەكتار بولۋى كەرەك.
Massaget.kz