بانكروتتىق راسىمدەگەن ازاماتتارعا 3 جىل قارجىلىق مونيتورينگ جۇرگىزىلەدى
ەلوردا تۇرعىندارىنا «ق ر ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىق تۋرالى» جاڭا زاڭ تۇسىندىرىلگەن سەميناردا قارجى ۆيتسە-ءمينيسترى ەرجان ءبىرجانوۆ وسىلاي مالىمدەدى، دەپ حابارلايدى قازاقپارات ءتىلشىسى.
«بانكروت دەپ تانىلعان جەكە تۇلعالارعا مەملەكەتتىك كىرىستەر دەپارتامەنتى 3 جىل بويى قارجىلىق مونيتورينگ، ياعني باقىلاۋ جۇرگىزەدى. ەگەر وسى بانكروتتىق پروتسەسى ادەيى جاسالاتىن بولسا، ازاماتتار جاۋپكەرشىلىككە تارتىلادى. مۇنى بارلىعى ءتۇسىنۋى كەرەك. بانكروتتىق دۇنيەجۇزىلىك تاجىريبە بويىنشا سوڭعى قادام بولىپ سانالادى. بۇل - ازاماتتىڭ قاراجاتى، مۇلكى جوق بولىپ امال-شاراسى قالماعاندا عانا قولدانىلاتىن شارا»، - دەپ ءتۇسىندىردى ەرجان ءبىرجانوۆ.
سونىمەن قاتار، استانا قالاسىنىڭ تۇرعىندارىمەن كەزدەسىپ، زاڭدى تۇسىندىرگەن ۆيتسە-مينيستر ازاماتتاردى بانكروت دەپ تانۋ - قارىزدى كەشىرۋ اكسياسى ەمەس ەكەندىگىن باسا ايتتى. سەبەبى مۇنىڭ زاڭمەن رەتتەلەتىن سالدارى بار.