ستوماتولوگ ءتىستىڭ ساۋلىعىنا 3 كەڭەس بەردى

استانا. قازاقپارات - ستوماتولوگ ءتىس ساۋلىعىن ساقتاۋ ءۇشىن نە ىستەۋ قاجەت ەكەنىن ءتۇسىندىردى.

قازاقستاندىق ءتىس دارىگەرى يسكاندەر يشانوۆ مەرەكە كۇندەرى دە اۋىز قۋىسىنىڭ تازالىعىن ۇمىتپاۋ كەرەگىن ەسكەرتتى. ءتىستى كۇنىنە كەم دەگەندە ەكى رەت جۋۋ ماڭىزدى.

«ءبىراق تەك ءتىستى ەمەس، ءتىلدى دە تازالاۋ كەرەگىن ۇمىتپاعان ءجون. ءتىستى كەمىندە ءۇش مينۋت جۋۋ كەرەك. اسىرەسە ۇيىقتار الدىندا تۇندە تازالاۋ ماڭىزدى»، - دەيدى دارىگەر.

ماماننىڭ سوزىنشە، ءتىس شەتكاسىن دا دۇرىس تاڭداۋ كەرەك. ءسىزدىڭ تىسىڭىزگە قايسى شەتكا جاقسى كەلەتىنىن تاڭداپ، قاجەت بولعان جاعدايدا ماماننان كەڭەس الۋ كەرەك.

سونىمەن قاتار، اۋىز قۋىسىن تازالاۋداعى ماڭىزدى زات - ءتىس ءجىبى. سەبەبى قاراپايىم شەتكا جەتپەيتىن جەرلەردى جىپپەن تازالاۋعا بولادى.

تاعى ءبىر ماڭىزدى كەڭەس - تاماقتانعاننان كەيىن اۋىزدى سۋمەن شايۋ قاجەت. يسكاندەر يشانوۆ ءتىس رەمتەراپياسىن ۇمىتپاۋ كەرەگىن ايتادى.

«قاراپايىم سوزبەن ايتساق: رەمتەراپيا - ەمالدى مينەرالدارمەن بايىتۋ، اتاپ ايتقاندا، كالتسي گيدروكسياپاتيتىمەن. بۇل كاريەستىڭ الدىن الۋ ءۇشىن تاپتىرماس جول. ءبىراق رەمتەراپيا الدىندا ءتىستى كاسىبي تازالاتىپ الۋ كەرەك. بۇل سۇراق بويىنشا دارىگەردەن كەڭەس العان ءجون»، - دەيدى مامان.

سونداي-اق، دارىگەردىڭ سوزىنشە، جاڭا جىلدان كەيىن ءتىس دارىگەرىنە جازىلىپ، ءتىستى تەكسەرتىپ الۋ كەرەك. ال ءتىس دارىگەرىنە جىلىنا كەمىندە ەكى رەت بارىپ تەكسەرىلۋ قاجەت.