سايلاۋدا كوميسسيا مۇشەلەرى بەتپەردەنى 3 ساعات سايىن الماستىرۋى كەرەك - ەسماعامبەتوۆا
بۇل تۋرالى بۇگىن ق ر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتارلىق دارىگەر ايجان ەسماعامبەتوۆا ايتتى، دەپ حابارلايدى قازاقپارات ءتىلشىسى.
«تۇماۋدان باسقا، ەلىمىزدە وزگە دە ۆيرۋستى ينفەكسيالار انىقتالدى. ولار: رينوۆيرۋستى، رەسۆيرۋستى، ادەنوۆيرۋستى، بوكاۆيرۋستى، مەتاپنيەۆموۆيرۋستى جانە پاراگريپپ. رەسپۋبليكامىزدا ءجىتى رەسپيراتورلىق ۆيرۋستى ينفەكسيا جانە تۇماۋمەن سىرقاتتانۋدىڭ ارتۋىن، كوروناۆيرۋس ينفەكسياسى بويىنشا جاعدايدىڭ تۇراقتى ەكەندىگىن ەسكەرە وتىرىپ، سايلاۋدى وتكىزۋ كەزىندە سايلاۋ كوميسسياسى مۇشەلەرى بەتپەردە ءتارتىبىن ساقتاۋى، ءبىر رەت قولدانىلاتىن بەتپەردەنى ءار ءۇش ساعات سايىن الماستىرۋى قاجەت»، - دەدى ۆيتسە-مينيستر بۇگىن ق ر ورتالىق سايلاۋ كوميسسياسىنىڭ وتىرىسىندا.
ونىڭ اتاپ وتۋىنشە، حالىقتىڭ كوپ جينالۋىن بولدىرماۋ ءۇشىن بارىنشا كەڭ بولمەلەردى پايدالانۋ قاجەت.
«بولمەلەردى جەلدەتۋ جۇيەسى ءۇزىلسىز جۇمىس ىستەۋى كەرەك. ال جاساندى جەلدەتۋ جۇيەسى بولماعان جاعدايدا ءىس- شارالاردى وتكىزۋ الدىندا بولمە اۋاسىن تازارتۋ قاجەت»، - دەدى ايجان ەسماعامبەتوۆا.