بۇل تۋرالى ق ر پرەمەر- ءمينيسترىنىڭ سايتىندا جاريالانعان ۇكىمەت قاۋلىسىندا كورسەتىلگەن، دەپ حابارلايدى قازاقپارات ءتىلشىسى.
قۇجاتتا جازىلعانداي، «ۇزدىك سيفرلاندىرۋشى» توسبەلگىسىمەن ەڭبەكتە جوعارى ناتيجەلەرگە قول جەتكىزگەن، وزىنە جۇكتەلگەن مىندەتتەردى ادال جانە جاۋاپتى ورىندايتىن، وسى سالادا كاسىبيلىك تانىتقان، 15 جىل جانە ودان كوپ ەڭبەك سىڭىرگەن سيفرلاندىرۋ سالاسىنداعى جۇمىسكەرلەر ماراپاتتالادى. بۇعان قوسا، اتالعان توسبەلگىمەن ەرەكشە جاعدايلاردا سيفرلاندىرۋ سالاسىنداعى ەرەكشە ەڭبەگى ءۇشىن باسقا سالالاردا جۇمىس ىستەيتىن ادامدار دا ماراپاتتالادى.
ال «احمەت بايتۇرسىن ۇلى» توسبەلگىسىمەن گۋمانيتارلىق سالا وكىلدەرى، قازاق ءتىلىنىڭ مارتەبەسىن كوتەرۋدە شىعارماشىلىق بەلسەندىلىك تانىتقان ادامدار مەن قازاق ءتىلىن وقىتۋعا نەگىزدەلگەن IT جوبالاردىڭ اۆتورلارى جانە گۋمانيتارلىق سالادا ىنتىماقتاستىقتى نىعايتۋعا جانە دامىتۋعا ەلەۋلى ۇلەس قوسقان شەتەل ازاماتتارى ماراپاتتالادى.
«ەڭبەك سىڭىرگەن ساۋدا قىزمەتكەرى» توسبەلگىسى ەڭبەكتە جوعارى ناتيجەلەرگە قول جەتكىزگەن، وزدەرىنە جۇكتەلگەن مىندەتتەردى ادال جانە جاۋاپتى ورىندايتىن ءارى ساۋدا سالاسىندا باستاما جانە كاسىپقويلىعىن كورسەتەتىن ساۋدا سالاسىندا كەمىندە 10 جىل جۇمىس ءوتىلى بار جۇمىسكەرلەرگە تابىستالادى.
توسبەلگىلەردى بەكىتۋگە باعىتتالعان قاۋلى بۇگىننەن، ياعني العاشقى رەسمي جاريالانعان كۇننەن باستاپ قولدانىسقا ەنگىزىلەدى.