زاڭ جوباسىن تالقىلاۋ بارىسىندا سەناتتىڭ قارجى جانە بيۋدجەت كوميتەتىنىڭ ءتوراعاسى، سەناتور سەرىكباي تۇرىموۆ، ەڭ الدىمەن، قازىرگى كەزدەگى بيۋدجەتارالىق قولدانىستاعى ادىستەمە وڭىرلەردىڭ الەۋمەتتىك- ەكونوميكالىق پارامەترلەرىن ناقتى تەڭەستىرۋدى قامتاماسىز ەتۋ ماقساتىندا ودان ءارى جەتىلدىرۋدى تالاپ ەتەتىنىن اتاپ ءوتتى.
«ەكىنشىدەن، وڭىرلەرگە ۇلكەن قارجىلىق دەربەستىك بەرۋ، بيۋدجەتتىك پروتسەستەردىڭ اشىقتىعىن قامتاماسىز ەتۋ جانە وڭىرلەر باسشىلارىنىڭ قارجىلىق ماسەلەلەردەگى جاۋاپكەرشىلىگىن ارتتىرۋ ماقساتىندا قولدانىستاعى سالىق جانە بيۋدجەت زاڭناماسىنا وزگەرىستەر ەنگىزۋ قاجەت دەپ ەسەپتەيمىز. وسى زاڭ جوباسىن تالقىلاۋ بارىسىندا تۇراقتى كوميتەتتەر مەن دەپۋتاتتاردان بىرنەشە ۇسىنىس كەلىپ ءتۇستى. ولار سالىستىرمالى كەستەگە ەنگىزىلدى. باياندالعاننىڭ نەگىزىندە قارجى جانە بيۋدجەت كوميتەتى سالىستىرمالى كەستەنى قاراۋدى جانە «رەسپۋبليكالىق جانە وبلىستىق بيۋدجەتتەر، رەسپۋبليكالىق ماڭىزى بار قالا، استانا بيۋدجەتتەرى اراسىنداعى 2023-2023 -جىلدارعا ارنالعان جالپى ترانسفەرتتەردىڭ كولەمى تۋرالى» زاڭ جوباسىنا وزگەرىستەر ەنگىزۋ ءۇشىن ماجىلىسكە جىبەرۋدى ۇسىنادى»، - دەدى سەرىكباي تۇرىموۆ.
وسىدان كەيىن زاڭ جوباسىنا ءماجىلىس ماقۇلداعان باپتار قابىلداندى. سونىمەن قاتار سەنات ەنگىزگەن تۇزەتۋلەر ماجىلىسكە جىبەرىلدى.
اۆتور
مارلان جيەمباي