اقتوبەدە ۇڭعىمادان اققان مۇناي ارالاس سۇيىقتىق 3 مىڭ شارشى مەتر اۋماقتى لاستادى

اقتوبە. قازاقپارات - اقتوبە وبلىسىندا مۇناي ۇڭعىماسىنان بەيمالىم سۇيىقتىق اعىپ، اينالانى لاستاعان، دەپ حابارلايدى قازاقپارات.

31-قازان كۇنى اقتوبە وبلىسىنىڭ ەكولوگيا دەپارتامەنتىنە «سنپس اقتوبەمۇنايگاز» ا ق قاراستى «كەڭقياقمۇناي» ك م گ د ب №797 ۇڭعىماسىنان سۇيىقتىق اققانى تۋرالى حابار تۇسكەن.

اتالعان دەرەك بويىنشا دەپارتامەنت ينسپەكتورى وقيعا ورنىنا باردى.

ونىڭ بارىسىندا مىناداي كەلەڭسىز جايت انىقتالدى.

«29-قازان ساعات 22.30 شاماسىندا №797 ۇڭعىمادا نەگىزگى وقپاننىڭ دانەكەرلەۋ تىگىسى جارىلعان. لاستانعان اۋماقتىڭ كولەمى - 3168 شارشى مەتر (66*48). اپات سالدارىن جويۋمەن «اقبەرەن» ج ش س اينالىسادى» دەلىنگەن مينيسترلىك تاراتقان اقپاراتتا.

اپات بولعان جەردى تەكسەرۋ بارىسىندا №797 ۇڭعىمادان مۇناي لاستاعان سۋ ءالى اعىپ جاتقانى بەلگىلى بولدى.

لاستانعان اۋماق ولشەنىپ، سىناما الىندى. كاسىپورىن وكىلدەرىنىڭ قاتىسۋىمەن اكت جاسالدى.

دەپارتامەنت ورىن العان جاعدايعا قاتىستى جوسپاردان تىس تەكسەرۋ جۇرگىزەدى.